Л.Эрдэнэсувд: Ч:28 Сэлх-Ард кинотеатр чиглэлийн автобусыг Түмэн баялаг дэлгүүрээс богино эргэлтээр явуулахаар боллоо
Зуслангийн бүс буюу Сэлх рүү явдаг нийтийн тээврийн автобусны чиглэлд түр өөрчлөлт оруулахаар болжээ.
Энэ тухай нийслэлийн Нийтийн Тээврийн Бодлогын Газрын сүлжээ төлөвлөлтийн мэргэжилтэн Л.Эрдэнэсувд "Сүхбаатар дүүргийн 20 дугаар хорооны нутаг дэвсгэр Сэлхийн замаас Сэлбийн эцсийн зогсоол хүртэлх авто замыг тавдугаар сарын 15-ны 23:00 цагаас тавдугаар сарын 18-ны 05:00 цаг хүртэл хааж, зам засварын ажлыг гүйцэтгэх гэж байна.
Бэлхийн суурьшлын бүс рүү нийтийн тээврийн хоёр чиглэлийн 22 автобусаар иргэдэд үйлчилдгээс авто замын засварын ажлаас үүдэн Ч:28 Сэлх-Ард кинотеатр чиглэлийн автобусны замналд өөрчлөлт оруулж Түмэн баялаг дэлгүүрээс түр богино эргэлтээр явуулахаар боллоо.
Иймд иргэд зорчилтоо төлөвлөнө үү" гэж мэдээллээ.
Бэлхээс Сэлхийн эцэс хүртэлх авто замыг тавдугаар сарын 15-ны 00:00 цагаас тавдугаар сарын 18-ны 05:00 цагийн хооронд хааж, шинэчлэхээр болоод байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
