Гурван машин мөргөлдсөн ноцтой осол гарлаа
Өнөөдөр 14:05 цагийн үед Нийслэлийн замын цагдаагийн газрын Жижүүрийн шуурхай албанд ХУД-ийн нутаг, Наадамчдын өргөн чөлөө, Вива сити хорооллын урд замд гурван автомашин мөргөлдсөн гэсэн дуудлага иржээ.
Дуудлагын дагуу шуурхай бүрэлдэхүүн найман минутын дотор хэргийн газарт очсон байна.
Тус газар "Toyota Raum", "Toyota Prius", "Hyundai Porter" маркийн автомашинууд мөргөлдөж гурван жолооч, нэг зорчигч гэмтсэн байна.
Уг хэргийг Замын цагдаагийн газраас шалгаж байна гэж Замын цагдаагийн газраас мэдээллээ.
Замын хөдөлгөөнд оролцож буй жолооч та хурдаа тохируулж, анхаарал болгоомжтой явахыг сэрэмжлүүлж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
