ҮЙЛ ЯВДАЛ: "Нийгмийн үзүүлэлтийн түүвэр судалгаа-2013” судалгааны үр дүнг танилцуулна

Blue sky-н Болор танхимд

09:00 цагт: "Нийгмийн үзүүлэлтийн түүвэр судалгаа-2013” судалгааны үр дүнг танилцуулна. Тус судалгааг Монгол Улсын Засгийн газар, НҮБ-ын Хүүхдийн сан, Хүн амын сангийн хамтарсан санхүүжилттэйгээр анх удаа 2013-2014 онд амжилттай зохион байгуулжээ.

“Чингис” зочид буудалд 

09:00 цагт: 21 аймаг, сум, дүүрэг, хороодын хөрөнгө оруулалт хариуцсан 150 гаруй ажилтан цуглаж, Монгол Улсын төсвийн болоод гадаад зээл тусламжийн хөрөнгө оруулалтын өнөөгийн байдал, зорилтыг хэлэлцэнэ. Хэлэлцүүлэгт Эдийн засгийн хөгжлийн сайд оролцоно.

НЗДТГ-ын А танхимд

10:00 цагт: Нийслэлийн Улаан загалмайн хорооноос шинээр санаачилах төсөл хөтөлбөрүүд, хүмүүнлэгийн үйлсийн талаар мэдээлэл өгнө.

ХУД-ийн Спортын ордонд

10:00 цагт: Суугаа гар бөмбөгийн тэмцээн эхэлнэ. Тэмцээнд 16 хорооны хөгжлийн бэрхшээлтэй иргэд оролцох болон Монголд суугаа Америк улсын элчин сайд оролцоно.

ЭМЯ-д

11:00 цагт: Энэ сарын 7-ны өдөр Улаанбаатар хотноо болох “Эрүүл мэндийн салбарын эдийн засаг, хөрөнгө оруулалтын форум”-ын талаар мэдээлэл өгнө.

ММ мэдээллийн төвд

11.00 цагт: УИХ-ын 30 дугаар тогтоол барилгын салбарыг уналтад оруулж байгаа талаар Барилгын хөгжлийн үндэсний нэгдсэн төв, төрийн бус байгууллагууд хамтарч мэдээлэл хийнэ.

11.30 цагт: Зайсанд байрлах Чингис хааны хөрөг зургийг хамгаалахаар ард иргэд нэгдэж хэвлэлийн хурал зарлалаа. Энд нэгдсэн зарим иргэнийг хууль бусаар байцаан шалгаж хэрэг үүсгэн прокурорт шилжүүлсэн аж.

Чингисийн талбайд 

12:00-14:30 цагт: “Зөв сонгож, хэмнэлттэй хэрэглэе” уриан дор Их, дээд сургууль, МСҮТ, Коллежийн оюутан сурагчдын дунд зохиогдох Flash mob бүжгийн тэмцээнтэй.

Төрийн ордны Г танхимд

14:00 цагт: Зөвшөөрлийн тухай, Зөвшөөрлийн нэрийн жагсаалт батлах тухай хуулийн хэлэлцүүлэг болно. Хэлэлцүүлэгт ажлын хэсгийнхэн болон бизнес эрхлэгчид, мэргэжлийн холбоодын төлөөлөл оролцоно.

Цэнгэг ус байгалийн нөөцийн газарт

09:00-14:00 цагт: “Монголчуудын байгаль хамгаалах өв соёл, уламжлал ба орчин үе” Эрдэм шинжилгээний бага хурал болно. 

Занабазрын музейд

16:00 цагт: “Биологийн олон янз байдал Мongolica-2013”гэрэл зургийн үзэсгэлэнгийн нээлт болно.

Тэнгис кино театрын бага танхимд

18:00 цагт: Дэд бүтцийн төслүүд зэрлэг амьтдын нүүдэл, амьдрах орчинд хэрхэн нөлөөлөлж буйг харуулсан “Гарц” баримтат киноны нээлт болно.