АНУ Афганистан дахь цорын ганц хоригдлоо суллав
Ерөнхийлөгч Барак Обама Афганистан дахь дайнаа зогсоох шийдвэр гаргаад удаагүй байгаа билээ.
Тэгвэл энэ дайны туршид ганцхан албан хаагч талибчуудад олзлогдоод байсан юм. Бага түрүүч Боуи Бергдаль 2009 оны таван сард талибчуудад олзлогджээ.
Харин Обама тэдэнтэй хэлэлцээр хийсний дүнд таван жилийн дараа талибын таван хоригдлоор солилцох тохиролцоонд хүрсэн юм.
Энэ шийдвэр нь олны дунд багагүй маргаан дэгдээгээд байгаа. Зарим нь террористуудтай ингэж тохиролцож болохгүй гэж үзэж байгаа юм.
Бергдалийн оронд суллагдах таван хоригдлыг Гуантанамо дахь шоронгоос Катар руу явуулсан гэнэ.
Тэгвэл дөнгөж сая Талибанчууд Бергдалийг суллаж байгаа бичлэгээ тараажээ.
Кинон дээр барьцааны хүнийг хэрхэн солилцдогтой адилхан байна уу?
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
