ХУУЧИРСАН МЭДЭЭ: 2014/05/23-НД НИЙТЛЭГДСЭН
Энэ онд суллагдах 280 хүмүүжигчид мэргэжлийн баримжаа олгож байна
iKon.MN
Нийслэлийн хөдөлмөрийн газар нь ШШГЕГ-ын Тогтоол гүйцэтгэх газартай дөрөв дэх жилдээ хамтран ажиллаж байгаа. Хамтын ажиллагааны хүрээнд зорилтот бүлгийн иргэдэд хөдөлмөр эрхлэлтийн үйлчилгээг амжилттай хүргэж ирсэн юм.
Тэгвэл энэ удаа Нийслэлийн хөдөлмөрийн газар 2014 онд суллагдах 280 хоригдолд /ШШГЕГ-ын харъяа хорих 421, 441, 407, 409, 427-р ангиудад хүмүүжиж байгаа/ ажил мэргэжлийн чиг баримжаа олгох сургалтыг явуулж эхэлжээ.
Энэхүү сургалтаар,
- Хорих байгууллагаас суллагдан гарах иргэдийг нийгэмшүүлэх
- Суллагдан гараад нийгмийн харилцаанд бие даан оролцоход туслах
- Хөдөлмөр эрхлэлтийг дэмжих тухай хууль, хөдөлмөрийн харилцаа, хэрэгжиж буй төсөл хөтөлбөрүүдийг сурталчлах
- Ажил мэргэжлээ хэрхэн яаж, зөв сонгох, хөдөлмөрийн зах зээлийн төлөв байдал
- Эрэлттэй байгаа ажлын байрны талаарх мэдээлэл зэргийг хүмүүжигчдэд ганцаарчилсан болон бүлгээр өгч байгаа юм байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
