Согтуурлын тухай буруу ойлголтууд

Олны дунд согтууруулах ундаатай холбоотой ам дамжсан яриа, үлгэр домог мэт оршсоор байдаг. Тэгвэл эдгээрт шинжлэх ухааны үндэстэй хариу өгч байна.

• Хольж ууснаар илүү согтдог

Янз бүрийн согтууруулах ундааг хольж уух, ингэхдээ тодорхой дарааллаар ууснаас болж согтолт, шарталт өөр өөр байна гэж байхгүй. Шар айраг, дарс, архи юуг ч хольж ууж болно. Гол нь нийт уусан хэмжээнээс л согтолт болон шарталтын хэмжээ хамааралтай.

• Тасралтын дараа юу болсныг эргэж санадаг

Тасраад сэрсний дараа болсон үйл явдлыг санадаг гэж худлаа. Ингэх ямар ч боломжгүй. Их хэмжээгээр уусан үед тархи нь ой санамжийг түгжчихдэг. Хүмүүс эрүүл болсон хойноо юу болсныг саналаа гэдэг ч тэр нь хуурамч санамж гэсэн үзэгдлээс үүдэлтэй зэрэглээ төдий юм.

• Энергийн ундааг хольж уухаар илүү согтдог

Энэ бол худлаа ойлголт. Харин ч ингэж уувал согтолтыг багасгаж өгнө.

• Уухаас өмнө хоол идсэнээр бага согтоно

Уухаасаа өмнө хоол идсэнээр алкоголийн шингэх явцыг удаашруулдаг болохоос согтолтыг бууруулдаггүй. Харин ч цусанд удаан нэвчсэнээр шарталтыг улам уртасгаж хүндрүүлдэг. Бас уусны дараа их идлээ гээд юуг ч өөрчлөхгүй.

• Ууснаар сайн унтдаг

Оронд орохоосоо өмнө уувал түргэн унтдаг нь үнэн. Харин унталтын чанар мууддаг. Удаан унтсан ч бие гүйцэд амрахгүй.

• Шарталтыг ууж эмчилдэг

Энэ маш буруу ойлголт. Харин ч шарталтыг уртасгана. Кофе уух ч бас буруу. Архи, кофе адилхан шингэнийг гадагшлуулах үйлчилгээтэй тул шарталтыг улам сунжруулна.

Эх сурвалж: mentalfloss.com