АН Засгийн газарт хамтрахгүй гэв
Ардчилсан Намаас Пүрэв гараг бүр зохион байгуулдаг хэвлэлийн хурал боллоо.
Тус намын ерөнхий нарийн бичгийн дарга С.Баярцогт сүүлийн үед олон нийтийн сүлжээгээр цацагдах болсон “АН Засгийн газарт хамтрах гэж байна” гэх мэдээлэлд тайлбар өгөв.
Тэрбээр “МАН болон АН хамтарч байсан тохиолдол олон бий. Гэхдээ 2004 онд хоёр намын аль нь ч олонх болоогүй учраас хамтарсан Засгийн газар байгуулж байсан. Дараа дараагийн Засгийн газруудын тухайд түүхэн нөхцөл байдал, үйл ажиллагаанаас шалтгаалж хамтарч байсан.
Харин одоогийн байдлаар эрх баригч МАН-аас манайд хандаагүй. Тийм учраас хэвлэл мэдээллийн хэрэгслээр гарч байгаа мэдээллүүд бүгд ор үндэсгүй, худал гэдгийг хэлье.
2025 онд АН хамтарсан Засгийн газраас гарахдаа сөрөг хүчний байр сууринд байхаа мэдэгдсэн. Энэ байр суурь одоо ч хэвээр байгаа.
АН Засгийн газарт орохгүй" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
