Ажиа Гэгээний нийслэлд хандивласан “Ахмадын амралт, сувиллын төв”-ийн үйл ажиллагааг хариуцах ОНӨААТҮГ байгуулав
“Энэрэл нигүүсэл оюун билгийн төв” ТББ-ын тэргүүн Ажиа Гэгээн Лувсантүвдан өөрийн хөрөнгөөр барьж нийслэлд хандивласан “Ахмадын амралт, сувиллын төв”-ийн барилга байгууламжийг энэ оны гуравдугаар сард нийслэлийн өмчид бүртгэжээ.
Тус төвийн үйл ажиллагааг хариуцах “Ахмадын амралт, сувиллын төв” Орон Нутгийн Өмчит Аж Ахуйн Тооцоот Үйлдвэрийн Газар(ОНӨААТҮГ) байгуулж, дүрэм батлах тухай тогтоолын төслийг НИТХ баталж, УБЕГ-т бүртгүүлэхээр боллоо.
Ингэснээр “Нийслэлийн ахмадын амралт сувиллын төв” ОНӨААТҮГ нь ахмад настныг идэвхтэй амьдралын хэв маягтай байлгах, ганцаардал болон нийгмээс тусгаарлагдах байдлыг бууруулах, асаргаа сувилгаа шаардлагатай ахмадуудад мэргэжлийн тусламж үйлчилгээ үзүүлдэг байх, бие бялдар болон сэтгэл зүйн эрүүл мэндийг дэмжих, тав тухтай орчинд амарч сувилуулах боломж бүрдүүлж, нийгмийн халамж болон эрүүл мэндийн үйлчилгээ үзүүлж байхаар болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
