Стерлингийг NBA-ээс хөөгдөхөд хүргэсэн зураг
NBA-ын Clippers багийн эзэн Дональд Стерлингийг тойрсон арьс өнгөөр ялгаварлах үзлийн асуудал түүнийг NBA-ээс хөөснөөр дууслаа.
Түүний найз бүсгүйтэйгээ ярьсан ярианы бичлэг олон нийтэд ил болсноор бөөн шуугиан дэгдсэн юм. Анх найз бүсгүй Стивиано нь алдарт сагсан бөмбөгчин "Мэжик" Жонсонтой авхуулсан зургаа Инстаграмд оруулжээ.
Гэтэл Стерлинг үүнд дургүйцэж Стивианотой маргалдсан бөгөөд бичлэгийг найз бүсгүй нь өөрөө хийж Интернэтэд тараасан гэнэ. Тэдний ярианд өнгөт арьстнуудын тухай таагүй үгс байгаа нь олны дургүйг хүргэсэн байна.
Тухайлбал Стерлинг "Чи харуудтай унтаж болно...Авчирч болно. Ер нь юу дуртайгаа хийж болно...Харин ингэж тэднийг олон нийтэд сурталчлахгүй байхыг би хүсч байна. Манай тоглолтон дээр ч битгий дагуулж ирж бай.." гэжээ.
Түүний энэ үгс Африк-Америк иргэдийг ихээхэн бухимдуулж Snoop dog, Rihana бүр Ерөнхийлөгч Обама хүртэл эсэргүүцсэн мэдэгдэл хийгээд байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
