Энэтхэгийн парламентын сонгууль сошиал медиагаар шийдэгдэнэ

Энэтхэгийн парламентын сонгууль сошиал медиагаар шийдэгдэнэ

Энэ сарын 7-нд эхэлсэн Энэтхэг улсын парламентын сонгууль есөн шаттайгаар үргэлжилж, ирэх тавдугаар сарын 12-нд дуусна.

Санал хураах 930 мянган хэсэг ажиллаж, сонгуулийн дүнг 16-нд гаргах юм. Сон­гуулийн насны 814 сая иргэн Ардын тан­­хи­мын 530 гишүүнийг сонго­хоор саналаа өгч эхэлсэн. 

Энэ тоо нь 2009 онд болсон сонгуульд санал өгсөн иргэдийн тоотой харьцуу­лахад 100 саяар илүү байна. Тиймээс санал авах байр­ны тоог 100 мян­гаар нэмэгдүүлжээ. Санал авах бүх байранд ав­томат ма­шин ажил­луулна. Энэтхэгийн Сон­­гуулийн ко­мисс автомат ма­ши­нуу­дын программ хан­­­­­гамж, тех­но­логийн про­цессыг хянасан аж. 

Энэтхэгийн парламент дээд танхим буюу Мужуудын зөвлөл, доод буюу Ардын танхимаас бүрддэг. Ардын танхим 552 гишүүнтэй байх бөгөөд 530 мужуудаас, 20 нь холбоодоос сон­гогддог байна. Гишүүнд 25-аас дээш насны иргэн нэр дэв­шиж, таван жилийн ху­га­цаатай ажилладаг. 

Энэхүү танхимын ерөн­­­­­хий­лөгчөөр британи га­рал­­­­­тай хоёр улстөрчийг то­милдог. Одоо эрх барьж байгаа Дэвшилтэт нэгд­сэн хол­боог Үндэсний конг­ресс нам удирддаг.

Зас­гийн газрын бүрэн эрхийн хуга­цаа зургаадугаар са­рын 1-нд дуусах учраас шинэ Пар­ла­ментын доод тан­химд санал авсан намууд Засгийн газрыг тавдугаар сарын 31 гэхэд бүрдүүлэх учиртай. Улстөр судлаачид шинэ Зас­гийн газрыг ганц нам бус, харин хэдэн нам нийлж, хамтарсан байдлаар байгуулна гэж таамаглаж байна. 

Энэтхэгчүүд энэ удаагийн сонгуульд нэр дэвшсэн улс­төрчдөд хууртахгүй гэдгээ хэвлэл мэдээллээр бичиж байгаа гэнэ.

Нэгэн тосгонд очсон улстөрч иргэдэд сур­талчилгаа хийхдээ усан хангамжид холбоно гэж хэ­лэхэд өсвөр насны хүүхэд шиг харагдах залуу үгийг нь тасалж, ухаалаг гар утсаараа “YouTube” сайтаас 2009 оны сонгуульд тус тойргоос дэвшсэн өөр нэг улстөрч мөн л усан хангамжийн тухай ярьж байсныг үзүүлсэн аж. Тэрбээр “Би энэ тосгоны оршин суугч. Биднийг хуурах хэрэг­гүй” хэмээн хашгирчээ.

Иргэд цахим мэдээлэл унших нь нэмэгджээ

Өм­нөх сонгуулийн үеэр хүн амын 10 хувь нь компьютер ашиглан интер­нэтэд ордог байсан бол одоо 900 сая иргэн гар утсаараа интер­нэтээс мэдээлэл авдаг болсон байна. Дундаж ор­ло­готой иргэд хямд гар утас авч, дата эр­хээр интер­нэтэд холбогддог аж.

Хөдөө тосгоны интернэт хэрэглэдэг иргэ­дийн тоо хот суурин газрын­хаас илүү олноор нэ­­мэгд­сэн талаар судалгаа гарчээ. Твиттер хуудсаар улстөрийн талаар жиргэдэг иргэдийн тоо энэ онд 600 хувиар нэмэгдсэнээс гадна эрх баригч Үндэсний конг­ресс намын хуудсыг дагах ир­гэдийн тоо 351 хувиар өссөн гэнэ. 

Шинжээчид энэ бүх су­­­дал­­гааг үндэслэн парла­мен­тын сонгууль нь интернэт мэ­дээлэл болон сошиал ме­диагаар шийдэгдэх магад­лалтай хэмээн дүгнэсэн аж. Улстөрчид сонгуулийн сур­талчилгаагаа твиттер, FaceBook, Google Hangouts зэрэг сайтад тавих болсон.

Жишээ нь Ерөнхий сайдаар сонгогдох магадлалтай гэж үзэж байгаа Нарендра Моди­гийн FaceBook хуудаст “like” дарсан хүний тоо 13 саяд хүрсэн нь АНУ-ын Ерөн­хийлөгч Б.Обамагийн дараа оржээ. Б.Обама 40 сая “like”-тай юм байна. 

Ерөнхий сайд асан Ра­жив Ганди агсны охин Приянка Ганди Вадра эрх баригч Үндэсний конгресс намын сурталчилгаанд өнгөрсөн долоо хоногоос орол­цож эхэлсэн аж. Учир нь энэ сонгуулиар тус намыг сүү­лийн 15 жилд анх удаа ялаг­дал хүлээнэ гэж үзэж байгаа гэнэ. 

Тэрбээр дүү Рахул Ган­­дийг дэмжин сур­тал­чилгаа хийж, тойр­гийн иргэдтэй уулзсан аж. Ир­гэд Приянкагийн нөхөр биз­­несмэн, саятанд дургүй байдаг ч бүсгүй үүнийг үл тоон сонгогчидтой ярилцсан байна.

Нийтлэлч С.Дасгудта “Ганди Вадра дүүгээсээ илүү сайн лидер болж чадна. Даанч түүний нөхөрт хүмүүс дургүй учраас түүнд аюултай болно” гэжээ.