Иргэд Нийтийн тээврийн газрын шийдвэрийг дэмжиж байна

Бага оврын автобусны явах зарим чиглэлийг өнгөрсөн долоо хоногт  Нийтийн тээврийн газраас хязгаарласан билээ.

Учир нь микро автобусууд замын хөдөлгөөнд түгжрэл ихээр үүсгэдэг тул хотын төвд тооцогдох гол гудамж, замуудын чиглэлд явдаг хөдөлгөөнийг  хязгаарласан юм.

Тодруулбал, ЭХЭМҮТ-ийн  баруун уулзвараас Их тойруугийн Ногоон нуурын гудамжны уулзвар хүртэл, Ногоон нуурын гудамжнаас Цагдаагийн гудамжны уулзвар хүртэлх, замын зүүнээс баруун чиглэлийн замуудад микро автобус зорчихоо болиод байгаа.

Хязгаарлалт хийсэн чиглэлүүдэд том оврын автобус явуулахаар төлөвлөсний дагуу өчигдрөөс том оврын автобус үйлчилж эхлээд байна. Тиймээс ч энэхүү шийдвэрт иргэд хэрхэн хандаж байгааг сонирхлоо.

Баянгол дүүргийн иргэн Д.Буж: Хүүхэд, хөгшид ч гэсэн хүн шүү дээ 

-Миний хувьд зөв шийдвэр гэж харж байгаа. Ер нь хэдхэн хүний хувийн ашиг сонирхлоос илүү олон нийтийн эрх ашиг чухал. Миний хувьд микро ав­тобусаар үйлчлүүлэлгүй их удаж байна. 

Учир нь микронууд ах­мадуудыг харахаараа “эвэр­тэй туулай” үзсэн мэт хаалгаа хаа­гаад зугтчихдаг. Хүүхэд, хөг­шдийг хэчнээн орой бол­сон ч авдаггүй. Гэтэл бид ч гэсэн адилхан хүн биз дээ. Тэ­гээд ч микро автобуснууд за­мын хөдөлгөөнд соёлгүй оролц­дог, дураараа үнээ нэм­дэг, осол аваар их гаргадаг, зор­чигчидтой бүдүүлэг харьц­даг гээд дутагдалтай зүйл ихтэй. 

Тиймээс ч микро ав­то­буснуудыг цэгцлэх нь зөв. За­мын хөдөлгөөний ачааллыг буу­руулах үүднээс нь харсан ч тэр. Улаанбаатар хотын за­мын түгжрэлийг хүн бүхэн гай­хдаг. Гэтэл үүнийг буу­руу­лахад иргэн бүрийн оролцоо чу­хал. Микро автобус ч үүнд ха­маатай. 

Сүхбаатар дүүргийн иргэн Н.Чинбат: Микронуудыг цэгцлэх цаг нь болсон 

-Микро автобуснуудын явах зарим чиглэлийг өөрчилсөн нь зөв. Яах вэ, зарим хүмүүс дам­жих шаардлагагүй газар дамж­даг боллоо. Тэр хэрээрээ мөн­гө үрэх болсон гэж байна. 

Тэртэй тэргүй том оврын ав­тобус бүх чиглэлд үйлчилж бай­хад микро автобусууд заа­вал шугамын давхцал үүс­гэж, орлогыг нь хуваалцах шаард­ла­га­гүй. 

Замын хөдөлгөөн ч гэ­сэн эрс цэгцтэй болсон юм шиг санагдаж байгаа. Микро ав­тобуснууд замын хөдөлгөөнд яаж оролцдог билээ. Тэдэнд үйл­чилдэг хууль, журам гэж бай­даг юм уу. Цагдаа нараас ч айж, эмээхгүй, хамгийн том тол­гойтой нөхдүүд байдаг биз дээ. 20.00 цагаас хойш 1500 төг­рөгөөр үйлчилнэ. Энэ мэт асуудлыг хэн хянаж, зохицуулах ёс­той юм. 

Анхнаасаа зам­бараагүй явж ирсэн тэднийг жаа­хан эмхлээд эхлэхээр жаг­саал зохион байгуулж, эсэр­гүү­цэж байгаа байхгүй юу. Мон­голчууд эмх, цэгцэнд орох дур­гүй. Талд малаа хариулаад явж байгаа юм шиг толгой, тол­гойгоо мэдчихдэг. Энэ бү­хэн буруу шүү дээ. Тиймээс ч цаашид энэ шийдвэрээ цуцлах­гүй, үргэлжлүүлэх нь зөв. 

Сүхбаатар дүүргийн иргэн Н.Сэлэнгэ: Энгийн иргэд бидэнд хүнд тусч байна  

-Миний хувьд жирийн нэг ху­далдаачин. Урин дулааны ули­ралд гудамжинд гар дээрээс ху­далдаа эрхэлдэг. Бид өдөртөө хэд­хэн төгрөгийн орлоготой ажил­ладаг. Гэтэл тэр орлогоос маань хумслах аргыг Нийтийн тээв­рийн газрынхан олчихлоо. 

Би өмнө нь Ханын материалаас шууд микро автобусаар 100 айлд ирдэг байсан. Микро ав­то­бус ядаж хүн бүхэнд суух бо­ломж олгодог, зарим үед так­синаас ч хурдан, шуурхай хү­рэх газарт нь хүргэдэг зэрэг да­вуу талтай. 

Гэтэл шугамыг нь хязгаарласнаар энгийн ир­гэд бидэнд л хүнд тусч байна. Тухайлбал, би өдөрт унаанд 2000 төгрөг зарцуулдаг бай­сан бол одоо 4000 болж өс­чихлөө. Дарга нар ямар мик­ронд суух биш, тэдэнд ал­бан тасалгааных нь цонхоор амьд­рал сайхан харагдаад, хөрсөнд буух­гүй шийдвэр гаргаад сууж байдаг. 

Гэтэл тэдний гаргасан амьдралгүй шийдвэрт нь энгийн иргэд бид чирэгдэж байна. Яах вэ, том оврын автобус үйлчилж бай­гааг үгүйсгэхгүй. Гэхдээ тэд микро шиг хурдан явдаг бил үү, бохир заваан, хамаг л муу, муухай хүмүүсийн цуглуулга аятай, ямар орчинд зорчигчдийг тээвэрлэдэг билээ. 

Дээрээс нь халаасны хулгайч гэж ярих юмгүй. Тэр хол газар суугаад явах боломж ч байхгүй. Тэгээд эрт зогсоно. Шөнийн 23.00, 00.00 цагийн үед том оврын автобус үйлчилдэг бил үү. 1000 байна уу, 1500 байна уу хамаагүй мөнгөө төлөөд микрондоо суух нь бидэнд хэрэгтэй байна шүү дээ. 

Нэгэнт би 100 айлаас Ханын материал хүртэл 10-20 мянгаар таксидаж чадахгүйгээс хойш. Түү­нээс гадна энэ микроны жо­лооч нарын чинь ард амьдрал бай­гаа. Микроны кондуктор ар­даа таван хүн тэжээгээд л явж байгаа. Энэ мэт­чилэн асуудлыг зөвхөн нэг та­лаас нь бус олон өнцгөөс нь харж, эргэж хэлэлцэх ёстой гэж бодож байна. 

Чингэлтэй дүүргийн иргэн Д.Сарангэрэл: Том оврын автобусны цагийг уртасгах хэрэгтэй 

-Улаанбаатарын замын хөдөл­гөөн өнөөдөр ямар байдалтай бай­гааг хүн бүхэн мэдэж бай­гаа. Түгжрэлд бид өдрийн хэ­дэн цагийг зарцуулж байна. Энэ хайран цаг, хугацаагаа өөр зүйлд зарцуулахсан. Энэ шийд­вэрийн гол зорилго нь за­мын хөдөлгөөний ачааллыг буу­руулах шүү дээ. Хүмүүс ярьж байна билээ. 

Дамждаг боллоо, мөн­гө зарлагадаж байна гэж. Бүх чиглэлд том оврын автобус үйл­чилж байна шүү дээ. Ажил, амьд­ралаа зохицуулаад том ов­рын автобусаар үйлчлүүлэхэд хэ­цүүдээд, огт болж, бүтэхгүй бай­гаа зүйлгүй. Тэгээд ч мик­­роны жолооч нар замын хө­дөл­гөөнд дэндүү бүдүүлэг оролц­дог. 

Осол, аваар маш их гар­гадаг. Зогсох ёсгүй газар ду­­раараа зогсч, тэр хэрээрээ бу­­сад­даа саад болдог. Энэ бүх байд­­лыг засч, залруулах гээд эх­нээсээ арга хэмжээ авахаар нэг л их эсэргүүцэж, жагсаал цуг­лаан зохион байгуулсан хү­мүүс. Ийм байж болохгүй. 

Сэт­гэхүйгээ өөрчлөх цаг нь бол­жээ. Хамгийн наад зах нь том оврын автобус хэчнээн оройт­сон ч үнээ нэмдэггүй. Гэ­тэл микронууд дураараа үнээ нэмж, нэг чиглэлд орой 2000 төг­рөгөөр үйлчилж байна. Ингэх эрхийг хэн тэдэнд ол­госон юм. Үйлчилж болно, хувиараа хөдөлмөрлөж болно. 

Гэх­дээ тодорхой дүрэм, журамд за­хи­рагдах ёстой. Түүнээс биш мик­ро автобуснуудыг огт явуу­лахгүй гээд хоригло­чи­хоо­гүй бай­на шүү дээ. Одоо том ов­рын автобусны үйлчилгээний ца­гийг уртасгах хэрэгтэй. Өвөл, зуны хуваарь гэдэг шиг байж бо­лох юм. Тэгэхдээ том оврын ав­тобусны жолооч нарыг өглөө, оройны ээлжээр ажиллуулах ч юм уу, асуудлыг зохицуулж бо­лох байх. 

Налайх дүүргийн иргэн Ц.Цэндзаяа: Олон хүний амь нас хариуцаж байгаа гэдгээ мэддэггүй 

-Миний хувьд микро автобу­саар үйлчлүүлэлгүй олон жил болж байна. Налайхаас хот руу орж ирэхээрээ ихэвчлэн том автобус эсвэл машинаараа за­мын хөдөлгөөнд оролцдог. 

Гэх­дээ хөндлөнгөөс харж бай­хад микро автобуснуудыг цэгц­лэх хэрэгтэй. Тэд үйлчил­гээ­­ний нэг хэлбэр. Гэтэл өөрс­дийгөө хүнд үйлчилж байна гэж огт боддоггүй. 

Мал, ад­гуус ачиж, яваа юм шиг... Олон хүний амь нас, эрүүл мэн­дийг гартаа атгаад, замын хө­дөл­гөөнд оролцож байна гэд­гээ огт ухамсарладаггүй юм шиг. Дээрээс нь жолооч, кон­дукто­руу­дын зан, харилцаа үнэхээр айм­шигтай. Улс орон хөгжөөд байна, дээшлээд байна гэдэг биз дээ. Өчүүхэн бага зүйлийг ха­рахад ийм л байна. 

Баянзүрх дүүргийн иргэн М.Мөнхцэцэг: Микронуудын чиглэлийг хязгаарласан нь буруу 

-Микронуудын зарим чиглэлийг хязгаарласан нь надад бу­руу юм шиг санагдсан. Жишээ нь би гэхэд гэрээсээ, ажил, сургууль руугаа хүрэх замд чамгүй ху­гацаа зарцуулдаг. Гэтэл өглөө, оройд үнэнийг хэлэхэд муу хэлээд байгаа ч микронууд нь түргэн, шуурхай үйлчилдэг. 

Тэгээд зарим чиглэлийн том оврын автобус ирэхгүй бү­тэн цаг хүлээлгэх тохиолдол ч байна. Дээрээс нь маш удаан. Мик­ронуудад замын түгжрэл нэг их саад учруулдаггүй юм шиг санагддаг. Цаг, хугацаатай уралдаж байгаа өнөө үед би­дэнд түүнээс өөр үнэтэй зүйл гэж байхгүй. 

Үүнээс гадна том ов­рын автобус 21.00 цагаас хойш явдаггүй. Ажил нь оройтож тардаг ч хүн байна. Гэтэл мик­ронуудыг хязгаарлачихаар так­сидахаас өөр аргагүй болж бай­гаа юм. Хэчнээн муу нэр­тэй ч микронууд иргэдийн хувьд чухал хэрэгцээ нь яах ар­гагүй мөн. Засч, залруулах зүйл байгаа л байх. Гэхдээ хязгаарлаж, хорих нь буруу.

Сүхбаатар дүүргийн иргэн Л.Долгорсүрэн: Микро ч гэлтгүй том оврын автобус ч үйлчилгээндээ анхаарах хэрэгтэй 

-Микронуудыг цэгцэлсэн нь зөв гэж бодож байна. Одоо хам­гийн гол нь том ов­рын авто­бус­нуудын чиглэл, дав­там­жийг нь нэмж, цагийг нь уртасгах хэ­рэгтэй. Микронуудад орон зай байгаа болохоор тэд өнөөд­рийг хүртэл иргэдэд үйлчилж бай­гаа хэрэг. 

Хэрэв тэ­дэнд орон зай байхгүй, ямар ч ашиггүй байсан бол зах зээ­лийнхээ жамаар аяндаа “ар­чигдах” байсан. Гэтэл тэд “ар­чигдах” нь бүү хэл улам хү­рээгээ тэлсэн. 

Ер нь микронд ам сайтай хүн гэж бай­даггүй байх. Зөвхөн микро ч гэлтгүй том оврын автобус ч ял­гаагүй. Манай улс нийтийн тээврийн салбартаа онцгой ан­хаа­рал хандуулж, хөгжүүлэх шаард­лагатай юм шиг санагд­даг. Дээрээс нь жолооч, кондук­то­рууд харилцаа, хандлагадаа анхаарах хэрэгтэй юм шиг.