“Дэлхийн цэвэр нүүрс 2014” чуулган Монголд болно

Олон улсын “World Clean Coal 2014” чуулган ирэх тавдугаар сарын 28-29-ний өдрүүдэд Улаанбаатар хотноо зохион байгуулагдах гэж байна.

Энэ жилийн чуулган “Монголын цэвэр нүүрсний боломжийг нээх нь” сэдвийн дор болно. 

Монгол Улсын нүүрсний салбарын хөгжлийн боломж болоод цэвэр нүүрсний салбарын чиг хандлагыг тодорхойлох зорилготой. 

Хэлэлцэх асуудал:

1. Нүүрсний салбар дахь төрийн бодлого, дэмжлэг
2. Цэвэр нүүрс
3. Нүүрс хийжүүлэх
4. CTL технологиудын олон улс дахь шилдэг туршлага, хөрөнгө оруулалт болоод стратегийн асуудлуудыг хэлэлцэхээр төлөвлөжээ. 

Чуулганд:

• УИХ-ын дарга З.Энхболд
• “Эрдэнэс Тавантолгой” компанийн Гүйцэтгэх захирал Я.Батсуурь
• “Пийбоди Энержи” компанийн Худалдаа болон Азийн бүс хариуцсан ерөнхийлөгч Доктор Кристофер Хагедорн
• ПОСКО компанийн дэд Ерөнхийлөгч Жаэ Сок Ким
• “Монголын Алт” компанийн “Адуунчулуун” CTL төслийн удирдагч Ж.Золжаргал
• Олон улсын төлөөлөгчид нүүрс боловсруулах дэвшилтэт технологи, судалгаа шинжилгээний талаар илтгэл тавих юм.

Арга хэмжээнд цэвэр нүүрсний технологи эзэмшигч Өмнөд Солонгос, Герман, Япон, БНХАУ, Франц, Дани болон Австрали зэрэг орны төрийн төлөөлөл, томоохон төсөл хэрэгжүүлэгч, мэргэжилтэн, хөрөнгө оруулагч нийт 120 гаруй зочид төлөөлөгчид оролцохоор бүртгүүлээд байна. 

CTL буюу нүүрс боловсруулан шингэн түлш үйлдвэрлэх технологи, энэ чиглэлээр Монгол улсад хэрэгжүүлэхээр төлөвлөгдөж буй томоохон төслүүдийн талаар доорх бичлэгээс хүлээн авч үзээрэй.

CTL технологи гэж юу вэ?

http://www.mongolianminingjournal.com/content/55172.shtml