Ариутгал халдваргүйжүүлэлтийн цэгүүдийг татан буулгалаа
Сүхбаатар, Хэнтий, Дорноговь аймгийн зарим сумын нутаг дэвсгэрт гарсан мал, амьтны гоц халдварт шүлхий өвчний үед хорио цээрийн дэглэм тогтоосон.
Ингээд зогсохгүй нийслэлийн шалган нэвтрүүлэх товчоод дээр ариутгал халдваргүйжүүлэлтийн цэгийг ажиллуулж байсан юм.
Харин шүлхийн тархалт зогссоноор Засгийн газрын хуралдаанаас хорио цээрийн дэглэмийг цуцалсан.
Тэгвэл нийслэлийн Засаг даргын захирамжаар нийслэлийн Багануур, Налайх, Хан-Уул дүүргүүдийн нутаг дэвсгэр дэх авто тээврийн шалган нэвтрүүлэх товчоод дээр ажиллаж байсан ариутгал халдваргүйжүүлэлтийн цэгүүдийг татан буулгалаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
