Азийн наадамд анх удаа Монгол рок эгшиглэнэ
Шанхай хотод энэ сарын 28-наас тавдугаар сарын 2-ныг дуустал үргэлжлэх Азийн хөгжмийн наадамд “Хурд” хамтлагийнхан оролцох гэж байгаа талаар бид өмнө нь мэдээлсэн.
Наадмын сүүлийн өдөр “Хурд”-ынхан 40 минутын турш өөрсдийн уран бүтээлээ толилуулах бөгөөд “Миний Монгол”, “Алаг нүдэн”, "Ганцаардал”, “Алив бос”, “Чоно”, “Шөнө", “Болтугай”, “Монголоороо гоёдог” зэрэг дуугаараа рок фестивальд оролцох гэнэ.
Дашрамд сонирхуулахад, манай улсаас анх удаа “Хурд” хамтлаг оролцох гэж байгаа ч олон орны алдартай хамтлагууд оролцдог уг наадмын энэ удаагийнхад мөн “Eagles” хамтлаг оролцох гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
