Евгений Устюгов зодог тайллаа
ОХУ-ын нэрт биатлонч Евгений Устюгов зодог тайлах болсноо албан ёсоор зарлалаа.
ОХУ-ын нийслэл Москвад өчигдөр болсон “Аваргуудын уралдаан”-д түүний тамирчны хувиарх сүүлчийн тэмцээн байв.
Удахгүй 29 нас хүрэх Устюгов “Ванкувер-2010” олимпийн 15 км-ийн бөөн гараатай, “Сочи-2014”-ийн 4x7.5 км-ийн буухиа уралдаанд аваргалж, ДАШТ-ээс хошой мөнгөн медаль хүртэж, Дэлхийн цомын гурван гараанд түрүүлж байв.
ОХУ-ын эрэгтэй биатлончдоос дэлхийн гурван удаагийн аварга Максим Чудов өнгөрсөн нэгдүгээр сард зодог тайлаад байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
