Нуруунд нь 4.5 см урттай эрэг суулгасныг мэдээгүй гэв
ОХУ-ын нэрт уран гулгагч Евгений Плющенко “Хэрвээ нуруундаа байгаа эрэгний хэмжээг мэдэж байсан бол олимпийн өмнө зодог тайлах байсан” хэмээн мэдэгдсэн аж.
Нуруу нь гэмтсэн тамирчин өнгөрсөн зун хагалгаа хийлгэжээ.
Мэс заслын эмч түүнд хэлэхдээ нурууны үе хооронд суулгасан дискийг жижигхэн эргээр тогтоож байгаа гэсэн ч үнэн хэрэгтээ тэр нь 4.5 см урттай гэдгийг өнгөрсөн гуравдугаар сард хийлгэсэн хагалгааны үеэр мэдсэн байна.
Е.Плющенко энэ талаар “Хүмүүс титан эрэг яагаад хугарсан юм бол гэж гайхаж байж магадгүй. Гэхдээ биеийн хүчний ачаалалтай дасгал хөдөлгөөнөөр хугарна гэдгийг би өөрөө ч Сочигийн олимпод оролцох хүртлээ мэдээгүй. Хэрэв тэр том эргүүд байгааг мэдсэн бол олимпод оролцож, эрсдэл гаргахгүй байсан” гэж хэлжээ.
Тэрбээр “Шоу чемпионов и друзей Евгения Плющенко” нэртэй уран гулгалтын шоуг гуравдугаар сарын 18-наас хийхээр төлөвлөсөн ч хойшлуулсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
