Олимпийн хорооны Д.Загдсүрэнг Ерөнхийлөгчийн орон тооны бус зөвлөхөөр томилов
Ерөнхийлөгч Ц.Элбэгдорж зарлиг гарган Монголын Үндэсний олимпийн хорооны ерөнхийлөгч Д.Загдсүрэнг Монгол Улсын Ерөнхийлөгчийн орон тооны бус зөвлөхөөр томилсон байна.
Ерөнхийлөгчийн Тамгын газрын дүрэмд зааснаар зөвлөх, орон тооны бус зөвлөхүүдийг Ерөнхийлөгчийн зарлигаар томилж, чөлөөлдөг. Мөн орон тооны бус зөвлөх нь Бодлогын зөвлөлийн хуралд оролцож байр суурь, саналаа илэрхийлэх эрхтэй ажээ.
Ерөнхийлөгчийн орон тооны бус зөвлөхөөр Б.Цогтсугар, Ч.Батцогт, Б.Лакшми, Э.Бадар-Ууган нар ажилладаг. Д.Загдсүрэн нь Монгол Улсын Ерөнхийлөгчид олимп, олон улсын спортын асуудлаар зөвлөх гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
