Амазон FireTV box гаргалаа
Интернэт худалдааны тэргүүлэгч Амазон компани өчигдөр технологийн ертөнцөд нэгэн шинэ бүтээгдэхүүн гаргаснаа зарлав.
Энэ нь телевизэд холбож интернэтээс видео үздэг, тоглоом тоглодог set-top-box юм. Нэр нь Fire TV бөгөөд Apple-ын Apple TV зэрэг ижил төстэй бүтээгдэхүүнүүдтэй өрсөлдөх юм.
Гол шинэчлэл нь дуу хоолойгоор удирдах систем. Бид телевизийн удирдлагатай ажиллаж хүссэн зүйлээ олж үзэх ямар хэцүүг мэднэ. Телевизийн салбарын хамгийн хоцрогдсон хэсэг удирдлага байж магадгүй.
Тэгвэл Fire TV-ийн удирдлага дээр микрофоны дүрстэй товч байх ба түүнийг дараад хүссэн контентын нэрийг хэлэхэд хайлт хийж үр дүнг гаргаж ирэх юм.
Энэ box нь АНУ-д 99 доллараар худалдагдаж эхэлжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
