ХУУЧИРСАН МЭДЭЭ: 2014/03/20-НД НИЙТЛЭГДСЭН
ҮАБЗ-ийн хуралдаанаас гаргасан шийдвэрүүд
iKon.MN
ҮАБЗ-ийн энэ долоо хоногийн ээлжит ажлын уулзалт боллоо.
Түүгээр “Шинэ төмөр зам” төслийн явц, Ашигт малтмалын тухай хуульд нэмэлт, өөрчлөлт оруулах тухай хуулийн төсөл, газрын тос боловсруулах үйлдвэр байгуулах боломжийн талаар Зам, тээврийн сайд А.Гансүх, Уул уурхайн сайд Д.Ганхуяг нарын мэдээллийг сонссон.
Ингээд хуралдаанаас дараах шийдвэрүүдийг гаргалаа.
- Төмөр замын царигийн асуудлыг УИХ-ын 2014 оны хаврын чуулганаар хэлэлцүүлэх
- Ашигт малтмалын тухай хуульд нэмэлт, өөрчлөлт оруулах тухай хуулийн төслийг эцэслэн боловсруулах ажлын хэсэг байгуулах
- 2020 он гэхэд түлш, газрын тосны хэрэгцээг дотоодын үйлдвэрлэлээр бүрэн хангах бодлогын хүрээнд газрын тос боловсруулах үйлдвэр барих
- Монгол Улсын Ерөнхийлөгч Ц.Элбэгдоржийн 2013 оны 11 дүгээр сард Сингапурт төрийн айлчлал хийхдээ тохирсны дагуу төрийн өмчийн оролцоотой компаниудыг үр ашигтай ажиллагаанд шилжүүлэх тогтолцоог бий болгох ажлын хүрээнд Сингапурын төрийн өмчийн “Темасек” компанитай хамтран ажиллахаар боллоо.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
