Гадаадад байгаа иргэдийн АНХААРАЛД
Энэ сарын 23-ны байдлаар хилийн чанадад нийт 17 иргэн хэрэг зөрчилд холбогдсон мэдээлэл иржээ.
Тэдний 5 нь хилийн дэглэм зөрчсөн /Бүгд Найрамдах Турк Улсаас Грек Улс руу хууль бусаар хил нэвтрэхийг завдсан/, 6 иргэн хулгайн гэмт хэрэгт, 3 иргэн хууль бусаар оршин суусан, 1 иргэн танхайн гэмт хэрэг, 1 иргэн олон нийтийн газарт согтууруулах ундааны зүйл хэрэглэн нийгмийн хэв журам зөрчсөн, 1 иргэн согтуугаар тээврийн хэрэгсэл жолоодож зөрчил гаргасан байна.
Иргэд хилийн чанадад зорчиж байхдаа суугаа орны хууль тогтоомжийг хүндэтгэн сахиж хувийн аюулгүй байдалдаа анхаарах, суугаа орондоо байгаа ДТГ-т холбогдох утас, хаягаа тэмдэглүүлж байх, аливаа гэмт хэрэг, зөрчил гаргахгүй байхыг манай иргэд анхаарах шаардлагатай байна гэж ГХЯ-ны Консулын газраас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
