70 жилийн түүхийг өнгө будгаар сийлсэн ахмад зураачид үзэсгэлэнгээ нээнээ
1942 онд Монголд мэргэжлийн дүрслэх урлагийн байгууллага байгуулагдаж өдгөө 70 гаруй жилийг үджээ. Өнгөрсөн 70 гаруй жилийн түүхийг оюуны болон гарын ураараа урлан бичилцсэн ахмад уран бүтээлчид маань өдгөө хүртэл бийр будагаа нийлүүлэн бүтээлээ туурьвисаар байгаа билээ.
Тийн ялгуусан хэмээх модон морин жилийн босгон дээр монголын шинэ үеийн дүрслэх урлагийн түүхийг бичилцсэн 11 ахмад уран бүтээлчдийн хамтарсан үзэсгэлэн Маршал галерейд нээгдэх гэж байна. Эх орныхоо байгаль, түүх соёл, аж амьдралыг тусган харуулсан түүхэн бүтээлүүдийг дэлгэн үзүүлэх энэхүү үзэсгэлэн нь ахмад уран бүтээлчдийн уламжлалт үзэсгэлэн байх юм.
"Сар шинийн өнгө" нэртэй хамтарсан үзэсгэлэн ирэх сарын 3 буюу шинийн 4-нд нээлтээ хийнэ.
УРАН БҮТЭЭЛЧИД:
- C.Алтангэрэл /МУЭ-ийн гишүүн зураач/
- Ч.Батмөнх /Урлагийн гавьяат зүтгэлтэн/
- Ц.Байды /Урлагийн гавьяат зүтгэлтэн/
- Г.Дунбүрээ /Урлагийн гавьяат зүтгэлтэн/
- З.Доржжанцан /МУЭ-ийн гишүүн зураач/
- Д.Уранчимэг /МУЭ-ийн гишүүн зураач/
- Н.Оросоо /МУЭ-ийн гишүүн/
- П.Цогзол /Урлагийн гавьяат зүтгэлтэн/
- Б.Чогсом /МУ-ын ардын зураач, Урлагийн гавьяат зүтгэлтэн, Франц улсын ардын зураач/
- Э.Сүхээ /Урлагийн гавьяат зүтгэлтэн/
- Х.Содномцэрэн /МУЭ-ийн шагналт зураач/
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
