Хөлбөмбөгийн ДАШТ-д оролцох Ираны багийн тамирчид бэлтгэлийн бааздаа ирлээ
Хэдхэн хоногийн дараа АНУ, Мексик, Канадын нутагт болох хөлбөмбөгийн Дэлхийн Аварга Шалгаруулах Тэмцээн (ДАШТ) нээлтээ хийнэ.
АНУ-тай маргаантай байгаа Ираны хөлбөмбөгчид тус тэмцээнд оролцох бэлтгэлийн бааздаа орон нутгийн цагаар Ням гарагийн үүрээр байрлажээ.
Тэд АНУ-ын Сан Диего хотын ойролцоо оршдог Мексикийн Тихуана хотоос тэмцээнд оролцох юм.
Энд Туркийн шигшээ багийнхан сүүлийн гурван долоо хоног байрлаж байсан аж.
Ираны шигшээ баг АНУ-ын Аризона мужид байрлахаар төлөвлөж байсан ч эцсийн мөчид Тихуанаг сонгожээ. Учир нь албаны зарим гишүүдийн виз гарах эсэх нь тодорхойгүй байв.
Хэдийгээр өнгөрсөн Баасан гарагт Ираны шигшээ багийн бүх тамирчдын виз гарсан ч албаны зарим хүнд хил нэвтрэх зөвшөөрөл олгохоос татгалзсан юм.
Ираны шигшээ баг ДАШТ-ий G хэсэгт орсон. Тэд Лос Анжелес хотын ойролцоо Шинэ Зеланд болон Бельгийн багтай өрсөлдөх бол хэсгийн сүүлийн тоглолтоо Египетийн эсрэг энэ сарын 26-нд Сеатл хотод өрсөлдөх хуваарьтай билээ.
Иран болон АНУ-ын баг хоёул хэсгээсээ хоёроор шалгарсан тохиолдолд хасагдах шатны эхний даваанд учраа таарах юм.
Эх сурвалж: Reuters
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
