Хүүхдийнхээ байршлыг хүссэн газраасаа харах боломжтой Kids care үйлчилгээ нэвтэрлээ

 

Өнөө үед эцэг эхчүүд ажил, амьдралын хурдацтай хэмнэлээс шалтгаалан хүүхэдтэйгээ байнга хамт байж, алхам тутамд нь анхаарах боломж тэр бүр байдаггүй. Ялангуяа хүүхдийн аюулгүй байдал, гар утасны хэрэглээтэй холбоотой санаа зовнил нэмэгдсээр байгаа энэ үед илүү ухаалаг, хялбар шийдэл зайлшгүй хэрэгтэй болж байна.

Иймээс Mobicom апп-д Kids care үйлчилгээ шинээр нэвтэрч, эцэг эх, асран хамгаалагчдад хүүхдийнхээ байршил, утасны цэнэг зэрэг чухал мэдээллийг хаанаас ч, хэзээ ч хянах боломжийг олгож байна.

Kids care үйлчилгээ танд дараах боломжуудыг олгоно:

• Байршил тогтоох
  Хүүхдийнхээ одоогийн байршлыг харахаас гадна байршлын түүх, хөдөлгөөний мэдээллийг шалгах боломжтой.
• Утасны цэнэг мэдээлэх
  Хүүхдийн тань гар утасны цэнэг 10%-иас доош болбол шуурхай мэдэгдэл ирнэ. Мөн цэнэглэж байгаа эсэхийг эцэг эх харах боломжтой.
• Апп-аас шууд дуудлага хийх
  Апп-аасаа гаралгүйгээр хүүхэд рүүгээ түргэн шуурхай шууд залгах боломжтой. (family группийн гишүүд хоорондоо ярихад төлбөргүй)
• Хүсэлт илгээх
  Хүүхэд дата, нэгж авхуулах хүсэлтээ эцэг эх, асран хамгаалагчдаа шууд илгээх боломжтой.
• Апп-ийн шуурхай мэдэгдэл
  Таны хүүхдийн байршил солигдох мөн байнга очдог байршилдаа очих үед сануулга, мэдэгдлийг цаг тухайд нь өгч, хүүхдийн аюулгүй байдлыг хангах, урьдчилан сэргийлэх боломжийг олгоно.
• Шинэ аватарын сонголт
  Хүүхэд болон эцэг эхийн профайлыг өөрийн сонирхол, хэв маягт тохируулан илүү сонирхолтойгоор тохируулах боломжтой.

Kids care үйлчилгээ нь орчин үеийн эцэг эхчүүдийн хэрэгцээнд нийцсэн, хүүхдийн аюулгүй байдлыг хангах ухаалаг шийдэл тул эцэг эх, асран хамгаалагч та бүхэн mobicom апп-ийн family үйлчилгээнд нэгдэж Kids care үйлчилгээг ашиглаарай.  

Та яг одоо дараах 3 алхмаар Kids care үйлчилгээг идэвхжүүлээрэй:

1. Mobicom апп-аа ЭНД дарж нээнэ
2. “Family” үйлчилгээ рүү орно
3. Kids care-ийг идэвхжүүлж, хүүхдээ холбоно

Ашиглахад хэрэгтэй жижиг зөвлөмжүүд

• Kids care үйлчилгээ нь Family группийн хүрээнд ажилладаг тул эхлээд family-д нэгдэх шаардлагатай
• Үйлчилгээ нь 16 наснаас доош хүүхдэд зориулагдсан
• Хүүхдийн байршлыг харахын тулд тухайн төхөөрөмж интернэт (дата)-тай байх хэрэгтэй
• Байршлын нарийвчлал нь GPS болон сүлжээний нөхцөлөөс шалтгаалан бага зэрэг ялгаатай байж болно
• Хүүхэд байршлын зөвшөөрлөө унтраасан үед мэдээлэл харагдахгүйг анхаараарай
• Таны болон хүүхдийн мэдээлэл нууцлалын бодлогын дагуу бүрэн хамгаалагдана