Гэрэл зургийг MPA агентлагийн онцгой зөвшөөрөлтэйгөөр ашиглав

16 болон 32 настай хоёр эмэгтэйг онц ноцтойгоор хөнөөсөн хэргийн Давж заалдах шатны шүүх хурал болж байна. 

Тус шүүх хуралдааныг шүүгч Ц.Мөнхтулга даргалж, шүүгч Д.Мөнхөө, шүүгч Т.Шинэбаяр нарын бүрэлдэхүүнтэй, нарийн бичгийн дарга П.Мөнхчимэг, прокурор Г.Баясгалан, Ч.Түмэн-Өлзий, хохирогч Ч.Шинэсарангийн хууль ёсны төлөөлөгч Г.Отгонтуяа, түүний өмгөөлөгч Б.Солонго, М.Баасанбат, Р.Булгамаа, З.Хүрэлсүх, Б.Баатарсайхан, хохирогч Т.Золжаргалын хууль ёсны төлөөлөгч Т.Золзаяагийн өмгөөлөгч Б.Бат-Ерөөлт, А.Сэлэнгэ, шүүгдэгч Ц.Давгадоржийн өмгөөлөгч Б.Баттулга, цагаатгагдсан этгээд Э.Ган-Эрдэнийн өмгөөлөгч Ж.Батхуяг, Б.Мэргэн, цагаатгагдсан этгээд Э.Номин-Эрдэнийн өмгөөлөгч Ш.Ербол, Ц.Баасанжаргал, цагаатгагдсан этгээд Х.Энхсайханы өмгөөлөгч Л.Ган-Очир нар оролцож байгаа юм.

Уг хурал анх тавдугаар сарын 1-нд товлогдож байсан ч хяналтын прокурорын шүүх хурал давхацсан үндэслэлээр тавдугаар сарын 11-н хүртэл хойшлоод байв.

Эргэн сануулахад, Анхан шатны шүүх хурал 2026 оны нэгдүгээр сарын 22-23-нд үргэлжилж, яллагдагч Ц.Дагвадоржид бүх насаар нь хорих ял оноож, ялыг хаалттай хорих ангид эдлүүлэхээр шийдвэрлэсэн. Харин Э.Номин-Эрдэнэ, Э.Ган-Эрдэнэ, Х.Энхсайхан нарыг гэмт хэргийн шинжгүй гэсэн үндэслэлээр цагаатгасан. 

Хэргийн зүйлчлэл:

Эрүүгийн хуулийн

26 дугаар бүлэг. Кибер аюулгүй байдлын эсрэг гэмт хэрэг

10 дугаар бүлэг. Хүний амьд явах эрхийн эсрэг гэмт хэрэг

12 дугаар бүлэг. Хүний бэлгийн эрх чөлөө, халдашгүй байдлын эсрэг гэмт хэрэг

13 дугаар бүлэг. Хүний халдашгүй, чөлөөтэй байх эрхийн эсрэг гэмт хэрэг

17 дугаар бүлэг. Өмчлөх эрхийн эсрэг гэмт хэрэг