Байт харвааны Азийн чансаа тогтоох эхний тэмцээний холимог багийн төрөлд Монголын баг түрүүллээ
Тайландын нийслэл Бангкок хотод байт харвааны чансаа тогтоох Азийн цомын тэмцээн болж байна.
Энэ сарын 21-нээс 28-ныг дуустал үргэлжлэх тус тэмцээний рекурв харвааны холимог багийн төрөлд монголчууд алтан медаль хүртлээ. Азийн наадмын аварга Б.Отгонболд, Б.Оюун-Эрдэнэ зэрэг бүрэлдэхүүнтэй Монголын шигшээ баг чансаа тогтоох харваанд 1,291 оноогоор 15 орноос долдугаарт жагссан.
Улмаар хасагдах шатанд Хятадын Хонконгийг 6:2, Малайзыг 5:3, хагас шигшээд Хятадын Тайпэйг 5:3, шигшээд Сингапурыг 6:2-оор буулган авснаар түрүүлэв.
Уг төрөлд хүрэл медалийг Вьетнамын баг хүртсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
