Н.Алтанхуяг: Ирж буй морин жилдээ илүү олон зүйлийг даацтай, далайцтай хийцгээе

Ерөнхий сайд олон нийтийн сүлжээгээр ийнхүү жиргэсэн байна.

Шинэчлэлийн Засгийн газраас энэ онд хийх ажил их байгаа. 

Ерөнхий сайдын мэдээлснээр, дараах томоохон бүтээн байгуулалтын ажлууд хийгдэх юм.

• Дорнод, Сүхбаатар, Өмнөговь, Хөвсгөл, Говь-Алтай, Завхан аймгийн төвийг Улаанбаатар хоттой хатуу хучилттай автозамаар холбоно.
• “Гудамж” төслийн хүрээнд нийслэлд 15 уулзварыг шинэчилж, хурдны замын ажлыг эхлүүлнэ.
• Шинэ төмөр зам, Хөшигтийн хөндийн олон улсын нисэх буудлын ажлыг урагшлуулна.
• Эрчим хүчний хувьд Амгалангийн дулааны станц, 3 ба 4 цахилгаан станцын өргөтгөлийг энэ онд ашиглалтад оруулна.
• Аймгийн төвийг хот болгох зорилтод Засгийн газар анхаарч, аймаг бүхэнд 1000 айлын орон сууцны барилгын ажлыг эхлүүлнэ, 12 аймагт оношилгооны төв байгуулж, энэ хавар ашиглалтад өгнө. Мөн аймаг бүр жишиг сумтай болно.
• Орон сууцжуулах хөтөлбөр үргэлжилж, 30 мянган айлыг орон сууцтай болгож, өнгөрсөн жилийн амжилтаа нэмэгдүүлнэ.

Мөн нэг их наяд төгрөгөөр экспортыг нэмэгдүүлж, импортыг орлох үйлдвэрлэлийг дэмжинэ гэсэн. 

Амны билгээс ашдын билэг гэж ирэх морин жилд улс эх орон, ард, иргэд минь өөдлөн дэвжиж Ерөнхий сайдын энэхүү уриалга биелэлээ олох болтугай.