Украины скелетоны тамирчныг олимпоос хасав
Украины скелетоны тамирчин Владислав Гераскевичийн дайнд амь насаа алдсан 24 тамирчны зураг бүхий дуулгыг Олон Улсын Олимпын Хороо (ОУОХ)-ноос хориглосон юм.
Гэвч энэ шийдвэрийг В.Гераскевич үл тоосон тул удаа дараа сануулсны эцэст олимпоос хасахаар болжээ.
ОУОХ-ны тэргүүн Кирсти Ковентри өнөөдөр В.Гераскевич болон түүний багийнхантай уулзаж эцсийн удаа сануулаад ч нэмэр болоогүй байна.
Харин энэ шийдвэрийг гаргасных нь дараа ОУОХ-г спортын арбитрын шүүхэд өгөхөө мэдэгджээ.
К.Ковентри тамирчинтай нүүр тулж уулзсан ч ойлголцолд хүрээгүй гэдгээ хэвлэлийнхэнд ярьсан байна. ОУОХ-ныхон тамирчныг тэмцээн эхлэх болон дуусахад дурсгалын дуулгаа бусдад харуулах, мөн уралдааны явцад гашуудлын хар тууз зүүхийг зөвшөөрсөн ч тэмцээний үеэр уг дуулгыг хориглосон юм.
Олимпын скелетоны төрөл өнөөдөр эхлэх хуваарьтай.
Эх сурвалж: Reuters
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
