Өсвөр насны 63 хүүхдэд хорих ял оноожээ
Өнгөрсөн онд шүүхээр шийдвэрлэгдсэн эрүү болон зөрчлийн хэргийн статистик мэдээллийг ШЕЗ-ийн Шүүхийн статистик хариуцсан референт Н.Алтантүлхүүр танилцууллаа.
Өнгөрсөн онд 15,465 хүнд ял шийтгэл оногдуулсан байна. Нийт ял шийтгүүлэгчдийн 1.1 хувь буюу 175 нь өсвөр насныхан байжээ.
Тодруулбал
- Торгох ялаар найман хүн
- Хорих ялаар 63 хүн
- Зорчих эрхийг хязгаарлах ялаар 68 хүн
- Нийтэд тустай ажил хийлгэх ялаар өсвөр насны 36 хүнд ял шийтгэл оногдуулсан байна.
2025 онд шийдвэрлэсэн Эрүүгийн гэмт хэргийг өмнөх оны мөн үетэй харьцуулбал:
- Авто тээврийн хэрэгслийн хөдөлгөөний аюулгүй байдал, ашиглалтын журам зөрчих гэмт хэрэг 59.6 хувиар
- Кибер аюулгүй байдлын эсрэг гэмт хэрэг 33.3 хувиар тус тус өссөн.
Харин хүний эрүүл мэндэд хөнгөн хохирол учруулах гэмт хэрэг 7.2 хувь, хулгайлах гэмт хэрэг долоон хувь, хүчиндэх гэмт хэрэг 0.3 хувиар тус тус буурсан дүнтэй байгааг мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
