Д.Төгөлдөр: Лайв сугалаа болон үнэт чулуу олборлож зарна гэх зард итгэж, хоногт 8-10 иргэн залилуулж байна
iKon.MN
ЦЕГ
Цагдаагийн байгууллагаас лайв сугалаа болон “үнэт чулуу олборлож зарна” гэх залилах төрлийн гэмт хэргийг сэрэмжлүүлэв.
Энэ төрлийн гэмт хэргээс урьдчилан сэргийлэх чиглэлээр удаа дараа сэрэмжлүүлэг хүргүүлсэн ч хоногт 8-10 иргэн гэмт хэрэгт өртөж, урьдчилгаа мөнгө шилжүүлж хохирсоор байгааг Хан-Уул дүүргийн цагдаагийн газрын Нэгдүгээр хэлтсийн мөрдөн шалгах хоёрдугаар тасгийн мөрдөгч, цагдаагийн дэслэгч Д.Төгөлдөр хэллээ.
Иймд цахим орчин дахь:
- Урамшууллын сугалаа, алт, үнэт чулуу зэрэг шууд дамжуулалт нь бодит бус бөгөөд иргэдийг хууран мэхлэх зорилготой гэмт хэрэг тул ийм агуулгатай шууд дамжуулалтыг үзэхгүй байх,
- Сугалаанд оролцохгүй байх, харсан тохиолдолд нэн даруй репорт хийх зэргээр өөрийгөө болон ойр дотны хүмүүсээ гарч болох эрсдэлээс урьдчилан сэргийлэхийг анхаарууллаа.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
