Автобусны буудал дээр байршуулсан дулаан зогсоолуудыг шалгаж, дотор нь хонодог байсан үйлдлийг зогсоожээ
Нийтийн тээврийн автобусны буудал дээр байршуулсан дулаан зогсоолын ашиглалт, цагийн хуваарийн дагуу ажиллаж байгаа эсэхийг шалгаж, дүүргүүдэд албан бичиг илгээн хамтран ажиллаж байгааг НТБГ-аас мэдээлэв.
Шалгалтын явцад Сонгинохайрхан дүүргийн 36 дугаар хороо, Улаанчулуутын автобусны буудлын дулаан зогсоолд матрас тавьж хонодог иргэд цөөнгүй байгааг таслан зогсоожээ.
Дүүргүүд дулаан зогсоолын ашиглалт, цэвэрлэгээг хариуцдаг бөгөөд хамтран ажиллаж иргэдийг ая тухтай үйлчлүүлэх боломжийг нэмэгдүүлэхийн төлөө хяналт шалгалт хийсээр байна. Иргэд дулаан зогсоолтой холбоотой мэдээллийг 7004-4040, 11-327259 дугаарын утас болон https://www.facebook.com/transport.ub.gov.mn хуудаст илгээхийг нийслэлийн Нийтийн Тээврийн Бодлогын Газраас зөвлөв.
Нийслэлийн хэмжээнд автобусны 1,287 дундын болон эцсийн буудал байдгаас 67 автобусны буудлыг дулаан зогсоолтой болгожээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
