Премиум Нэксус ХК хувьцаа худалдан авахыг шаардах эрхийг амжилттай хэрэгжүүлж дууслаа

Премиум Нэксус ХК (“Компани”) 2026 оны 1 дүгээр сарын 9-ний өдөр хувьцаа эзэмшигчдээс хувьцаа худалдан авахыг шаардах эрхийг албан ёсоор дуусгалаа.

• Шаардах эрх хэрэгжүүлэх боломжтой нийт 10,417 гаруй хувьцаа эзэмшигч буюу 278,181,300 ширхэг хувьцаа (компанийн нийт гаргасан 1,114,252,034 ширхэг хувьцааны ойролцоогоор 24.97%) байна.
• Хувьцаагаа компанид худалдахыг шаардах эрхтэй хувьцаа эзэмшигчдээс 849 хувьцаа эзэмшигч буюу 53,272,820 ширхэг энгийн хувьцааг нэгж үнэ 350 төгрөгөөр худалдан авч, төлбөрийг бүрэн гүйцэтгэсэн.
• Энэ нь нийт хувьцаа эзэмшигчдийн 8.2% байна. Харин хувьцааны тоо ширхгээр үзвэл компанийн нийт гаргасан 1,114,252,034 ширхэг хувьцааны 4.8%, шаардах эрх хэрэгжүүлэх боломжтой 278,181,300 ширхэг хувьцааны 19.2% юм.

Компани хувьцаа эзэмшигчдийн эрх ашгийг хамгаалах, зах зээлийн ил тод байдлыг дэмжих зорилгоор хөрөнгийн зах зээл дээр оролцогч байгууллагууд болох үнэт цаасны компаниуд, зохицуулагч байгууллагуудтай хамтран тус үйл ажиллагааг амжилттай зохион байгууллаа.