Мөрийтэй тоглоом зохион байгуулж ₮3.1 тэрбумын ашиг олж, мөнгө угаасан этгээдүүдийг баривчилжээ
Мөрийтэй тоглоом зохион байгуулж 3.1 тэрбум төгрөгийн ашиг олсон этгээдүүдийг баривчилсан талаар Цагдаагийн Ерөнхий Газар (ЦЕГ)-аас мэдээллээ.
Тодруулбал иргэн Э, Д, Н нар нь 2022 оноос хойш мөрийтэй тоглоомын өрөө ажиллуулан нэр бүхий есөн этгээдийг элсүүлж, тасралтгүй үйл ажиллагаагаа явуулсан байна.
Дээрх этгээдүүд нь хууль бус үйл ажиллагаа явуулж олсон мөнгөөрөө өндөр үнэлгээ бүхий тээврийн хэрэгсэл, үл хөдлөх хөрөнгө худалдан авч мөнгө угаах гэмт хэрэг үйлдэж байсныг цагдаагийн байгууллагаас илрүүлэн эд мөрийн баримтаар эд хөрөнгийг хураан авсныг мэдээллээ.
Иймд иргэд та бүхэн цахим мөрийтэй тоглоом тоглосноороо өөрийн эд хөрөнгө, цаг хугацаа, үнэт зүйлсээ залилагч нарт алдаж тэдний амьдралын эх үүсвэрийг бий болгож байгаагаа ухамсарлан энэ төрлийн гэмт хэрэгт оролцохгүй байж болзошгүй эрсдэлээс урьдчилан сэргийлэхийг анхааруулав.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
