ФОТО: Reuters-ийн оны онцлох спортын гэрэл зургууд...

Reuters агентлаг жил бүрийн арваннэгдүгээр сарын сүүлээр спортын шилдэг гэрэл зургуудаа танилцуулдаг уламжлалтай. Тус агентлагийн редакцаас тодруулсан спортын оны шилдэг гэрэл зургуудтай танилц. 

Хөлбөмбөгийн аваргуудын лигт Францын "ПСЖ" анх удаа түрүүлсэн ч АНУ-д болсон клубүүдийн Дэлхийн Аварга Шалгаруулах Тэмцээн (ДАШТ)-д Английн "Челси"-г бараагүй юм.

Харин "Ливерпүүл" клуб Английн лигт 20 дахь удаагаа түрүүлсэн ч ердөө сарын дараа португал довтлогч Диего Жотаг автомашины ослоор харамсалтайгаар алдсан нь гэрэл зурагт мөнхөрчээ. 

Английн "эрслэнгүүд" тивийнхээ аваргад Испанийг буулган авсан нь ч бас онцгой мөч байв.

Талбайн теннист Италийн Янник Синнер, Испанийн Карлос Алькарас нар Их Дуулгыг хувааж хүртсэн бол эмэгтэйчүүдийн ганцаарчилсан төрөлд Мэдисон Кэйс, Ига Свиатеш, Коко Гауфф, Арина Сабаленка нар Их Дуулгад өнгөлсөн.

Хөнгөн Атлетикийн ДАШТ-ээр Шведийн Армон Дуплинтис, АНУ-ын Мелисса Жефферсон Вүүден нар гангарсан бол Сингапурт болсон усан спортын ДАШТ-ээс Канадын Саммер Макинтош дөрвөн алтан медаль хүртсэн билээ.

ФОТО 

 

Хөлбөмбөгийн Италийн Сери А-д түрүүлсэн баяраа тэмдэглэж буй `Наполи`-гийн дасгалжуулагч Антонио Контэ.

 

Формула 1-ийн Австрийн Гранпри. `Хаас` багийн нисгэгч Оливер Берманы урьдчилсан гараа.

 

Цанын ДАШТ. Австралийн Даньелл Скотт бие халаалтаа хийж байна.

 

Хөлбөмбөгийн клубүүдийн ДАШТ-д түрүүлсэн Английн `Челси` клубийн ахлагч Рийс Жэймс цомоо АНУ-ын Ерөнхийлөгчөөс гардаж авав.

 

Автомашины ослоор харамсалтайгаар амиа алдсан ах дүү хөлбөмбөгчинд багийнх нь нөхөд хүндэтгэл үзүүлэв.

 

Хөлбөмбөгийн клубүүдийн ДАШТ-ий нэгэн тоглолтын үеэрх байгалийн үзэгдэл.

 

Формула 1 уралдааны улирлын өмнөх урьдчилсан бэлтгэл. `Феррари` багийн Льюс Хэмилтон шинэ хүлгээ туршиж байна.

 

Дэлхийн шилдэг теннисчин Сербийн Новак Жоковичийн тоглолт.

 

Хөлбөмбөгийн Аваргуудын лигт түрүүлсэн Францын багийн баярын парад.

 

Английн `Ливерпүүл` клубын египет довтлогч Мохаммед Салах баг нь лигийн аваргын болзол биелүүлсний дараа хөгжөөн дэмжигчидтэйгээ өөрөгдөв.

 

Холимог тулааны хамгийн том холбоо болох UFC-гийн нэгэн тулааны үдэш. Их Британид болсон энэ тулааны үеэр Лонер Каванагийн дүр зурагчны дуранд мөнхөрчээ.

 

Английн хөлбөмбөгийн Championship лигийн шигшээ тоглолтын үеэр. `Сандерланд`-ын хөгжөөн дэмжигчид.

 

Талбайн теннисийн Мадридын нээлттэй тэмцээн. Украины Марта Костюк Их Британийн Эмма Радуканугийн эсрэг.

 

Хөлбөмбөгийн клубүүдийн ДАШТ. Английн `Челси` клубийн Коул Палмер багийнхаа хоёр дахь гоолыг оруулж буй мөч.

 

Хөлбөмбөгийн Аваргуудын лигт баг нь түрүүлсний дараа Францын `ПСЖ` багийн эзэн Нассэр Аль-Хелаифи баяраа тэмдэглэж байна.

 

Авто спортын олимп гэгдэх `Даккар Ралли`-гийн 11 дэх гарааны зураг.

 

Рагбийн Европын чалленж тэмцээн гэрэл зурагчны дуранд.

 

Хөлбөмбөгийн Английн Премьер лиг. `Арсенал`-ын Габреаль Мартинелли `Астон Вилла`-гийн хаалганд гоол оруулжээ.

 

Гольфийн Мастерс тэмцээнд Хойд Ирландын Рори Макилрой түрүүлэв.

 

Хөлбөмбөгийн эмэгтэйчүүдийн Европын АШТ. Швейцар, Исландын багийн тоглолтын үеэр Швейцарын Алаяа Пилгрим багийнхаа хоёр дахь гоолыг оруулсны дараа.

 

Мэргэжлийн дугуйн `Тур де Франс` уралдааны нэгэн дүр зураг.

 

Рагбийн эмэгтэйчүүдийн Дэлхийн Аварга Шалгаруулах Тэмцээн (ДАШТ)-д түрүүлсэн Английн багийн ахлагч Зо Элдкрофт цомоо өргөж байгаа мөч.

 

АНУ-ын талбайн теннисчин Коко Гауффын Австралийн нээлттэй тэмцээний үеэр Швейцарын Белинда Бенчичийн эсрэг давуулж байна.

 

Формула 1-ийн Италид болсон гарааны үеэр `МакЛаренс` багийн Ландо Норрисын уралдаж буй мөч.

 

Талбайн теннисийн эмэгтэйчүүдийн ганцаарчилсан төрөлд Францын нээлттэй тэмцээнд түрүүлснийхээ дараа АНУ-ын Коко Гауфф баяраа тэмдэглэж байна.

 

Талбайн теннисийн эмэгтэйчүүдийн ганцаарчилсан төрөлд Америкийн нээлттэй тэмцээний шигшээд шалгарсан Беларусийн Арина Сабаленка.

 

Гандбол буюу гар бөмбөгийн төрөлд дэлхийд түрүүлсэн Данийн эрэгтэй шигшээ баг баяраа тэмдэглэж буй мөч.

 

Усан спортын Дэлхийн Аварга Шалгаруулах Тэмцээн (ДАШТ)-ий өндрөөс үсрэлтийн төрөлд буюу эрэгтэйчүүдийн 27 метрийн өндрөөс АНУ-ын тамирчин Скотт Лазероффын хагас шигшээд үзүүлсэн үзүүлбэр.

 

Усан спортын Дэлхийн Аварга Шалгаруулах Тэмцээн (ДАШТ)-ий синхрон сэлэлтийн төрөлд шигшээд шалгарсан Испанийн багийн үзүүлбэр.

 

Усан спортын Дэлхийн Аварга Шалгаруулах Тэмцээн (ДАШТ)-ий өндрөөс үсрэлтийн төрөлд Швейцарын Жен-Дэвид Дувалын үзүүлбэр.

 

Хөлбөмбөгийн Бразилын лигийн аварга тодрох мөч. `Интернасьонал` багийн Алан Патрик багийнхаа хоёр дахь гоолыг оруулсны дараа баяраа тэмдэглэж байна.

 

Талбайн теннисийн Австралийн нээлттэй тэмцээний эмэгтэйчүүдийн ганцаарчилсан төрөлд Японы Наоми Осака эхний тойрогт учраа таарсан Францын Каролин Гарсиагийн эсрэг.

 

Талбайн теннисийн Австралийн нээлттэй тэмцээний эрэгтэйчүүдийн ганцаарчилсан төрөлд Италийн Янник Синнер цомоо авч буй мөч.

 

Хөлбөмбөгийн эмэгтэйчүүдийн Европын АШТ-ий шигшээд Англи, Испанийн тоглолт. Английн Клое Келли Испанийн багийн хаалганд торгуулийн цохилт гүйцэтгэж байна.

 

Усан спортын Дэлхийн Аварга Шалгаруулах Тэмцээн (ДАШТ)-ий усанд үсрэлтийн төрлийн шигшээ үзүүлбэрийн өмнөх бие халаалт.

 

БНХАУ-ын Чөндүд болсон Спортын наадам (The World Games)-ын үеэр Японы үшүгийн тамирчин Наноха Кидагийн үзүүлбэр.

 

Японы Токио хотод болсон хөнгөн атлетикийн Дэлхийн Аварга Шалгаруулах Тэмцээн (ДАШТ). Тулгууртай харайлтын эрэгтэйчүүдийн ангилалд Шведийн Арман Дуплинтисын ээлжит рекорд.

 

Роботын ДАШТ-ий үеэр 400 метрийн гүйлтийн төрөлд өрсөлдөж буй робот.

 

Японы Токио хотод болсон хөнгөн атлетикийн Дэлхийн Аварга Шалгаруулах Тэмцээн (ДАШТ)-ий үеэр хүрэл медаль хүртсэн АНУ-ын гүйгч Ноа Лайлс, уртын харайлтын төрөлд алтан медаль зүүсэн нутаг нэгт Тара Дэвис Вүүдхолд баяр хүргэж байна.

Эх сурвалж: Reuters