Өнөө маргаашдаа ихэнх нутгаар цаг агаар тогтуун байна

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөө маргаашдаа ихэнх нутгаар цаг агаар тогтуун байхыг цаг уурын байгууллагаас мэдээллээ. 

2025 оны 12-р сарын 05-09-нийг хүртэлх цаг агаарын урьдчилсан төлөв: 

Хур тунадас: 

• 05-нд Увс нуурын хотгор, Алтай, Хангайн уулархаг нутгаар,
• 6-нд баруун болон зүүн аймгуудын нутгийн хойд хэсэг, төвийн аймгуудын нутгийн зарим газраар,
• 7-нд төвийн аймгуудын нутгийн зүүн хэсэг, зүүн аймгуудын нутгийн зарим газраар цас орж, зөөлөн цасан шуурга шуурна.

Салхи:

• 5-нд Алтайн уулархаг нутаг, Арц Богдын өвөр хоолойгоор,
• 6, 7-нд нутгийн зарим газраар секундэд 12-14 метр хүрч ширүүснэ. 
• 06-нд нутгийн баруун хагаст,

Агаарын температур: 

• 07-нд ихэнх нутгаар хүйтний эрч бага зэрэг чангарч Дархадын хотгор, Завхан, Заг-Байдраг голын эх, Хүрэнбэлчир орчим, Идэр, Тэс голын хөндийгөөр шөнөдөө -35…-40 градус, өдөртөө -23…-28 градус,
• Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр шөнөдөө -29…-34 градус, өдөртөө -17...-22 градус,
• Хангайн нурууны өвөр бэл, говийн бүс нутгийн баруун өмнөд хэсгээр шөнөдөө -14…-19 градус, өдөртөө -3…-8 градус,
• бусад нутгаар шөнөдөө -21…-26 градус, өдөртөө -11…-16 градус хүйтэн байна.