Энэ долоо хоногийн Бямба гарагаас Скай Ресорт руу нийтийн тээврийн автобус явуулахаар болжээ
Арванхоёрдугаар сарын 6-ны өдөр буюу энэ долоо хоногийн Бямба гарагаас эхлэн Х:23 Сүхбаатарын талбай-Скай Ресорт чиглэлд нийтийн тээврийн автобус үйлчлэхээр болжээ.
Ирэх оны гуравдугаар сарын 31-нийг дуустал өдөр бүр тус чиглэлд автобус явах юм байна.
НТБГ-аас "Автобусны цагийн хуваарь болон бусад мэдээллийг удахгүй хүргэх болно" гэв.
Цанын баазын чарганы болон бусад үйлчилгээ нээгдсэн байна.
Өнгөрсөн онд Скай ресорт цанын бааз руу том хүн 1,000, хүүхэд 500 төгрөг төлж, нийтийн тээврийн автобусаар зорчиж байсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
