2025 оны эхний 10 сарын байдлаар Нийгмийн Даатгалын Сангийн орлого ₮5.4 их наяд, зарлага ₮4.9 их наяд байна
Нийгмийн даатгалын сангийн орлого энэ оны эхний 10 сард 5.4 их наяд төгрөг болж, өмнөх жилийн мөн үеэс 17.2 хувиар өссөн гэж Үндэсний Статистикийн Хороо(ҮСХ)-ноос мэдээлэв.
Харин зарлага нь 4.9 их наяд төгрөг байна. Тус сангаас 521.8 мянган иргэн өндөр насны, хөгжлийн бэрхшээлтэй иргэний, тэжээгчээ алдсаны болон цэргийн тэтгэвэр авч байгаа юм. Өмнөх онд энэ тоо 508.5 мянга байжээ.
Нийгмийн халамжийн үйлчилгээнд хамрагддаг 2.4 сая иргэн байна. Энэ нь өмнөх оны мөн үеэс 4.3 хувиар буурсан дүн юм. Нийгмийн халамжийн үйлчилгээнд хамрагддаг иргэдийн 54.5 хувь нь хүүхдийн мөнгөн тэтгэмж авдаг 0-18 насныхан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
