"The MongolZ" баг 5-6 дугаар байрт шалгарч, 72,500 ам.долларын шагнал авлаа
Цахим спортын "Counter Strike 2" тоглоомын нэгдүгээр зэрэглэлийн "Intel Extreme Masters Chengdu 2025" тэмцээн Хятад улсын Чэнду хотноо Playoffs шатны тоглолтуудаар үргэлжилж байна.
Манай улсын "The MongolZ" баг шөвгийн дөрөвт шалгарахын төлөө Бразилын "FURIA" багийн эсрэг "Во3" (гурван "map"-аар ялагчийг тодруулах) журмаар тоглож, 0:2 онооны харьцаатай ялагдлаа.
Өнөөдрийн тоглолтод манай багийн өөрийн сонгосон "Mirage map" дээр ердөө таван үе авснаар хожигдсон. Тэгвэл эсрэг багийн сонгосон "Overpass map" дээр манай баг хамгаалах талаасаа дөрвөн үеийн дутуутай байраа сольсон. Үргэлжлүүлэн довтлох талаас зургаан үе авсан боловч 10:13 тооны харьцаатай хожигдов.
Ийнхүү "The MongolZ" баг "Intel Extreme Masters Chengdu 2025" тэмцээний 5-6 дугаар байрт шалгарч, 72,500 ам.долларын шагнал авч байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
