Монгол Улсын Гавьяат тамирчин У.Мөнх-Эрдэнэ маргааш мэргэжлийн боксын хоёр дахь тулаанаа хийнэ
Монголын Боксын Зөвлөл (МБЗ)-өөс мэргэжлийн боксчдын чансаа тогтоох цуврал тэмцээн зохион байгуулахаар болсон. "The Fight Club"-ын эхнийх нь энэ сарын 25-нд буюу Бямба гарагт болох юм.
Чансаа тогтоох эхний тэмцээнд эрэгтэй тав, эмэгтэй нэг жингийн тулаан болно.
Энэ үдшийн дэд оргил тулаанаар сонирхогчдын боксоор олимпын хүрэл, дэлхийн хошой хүрэлтэй У.Мөнх-Эрдэнэ мэргэжлийн рингэнд хоёр дахь тулаанаа хийхээр болжээ. Тэрбээр БНХАУ-ын Чен Цянтай хүч сорих аж.
Ч.Цян мэргэжлийн боксын дэвжээнд 4 ялж, 1 дийлдсэн үзүүлэлттэй.
Мөн энэ тулааны оргилоор 57.2 кг-ын жингийн шилдгүүд болох Х.Энх-Амар, Г.Ган-Эрдэнэ нарын тулна.
Түүнчлэн эмэгтэйчүүдийн дунд жинд Т.Болортуул, Н.Оюун-Эрдэнэ нар тулалдах бол эрчүүдийн дунд жинд Б.Тимур, Б.Нэргүй, хөнгөн жинд Ү.Баасандаш, Т.Бат-Эрдэнэ, хүнд жинд Х.Бекнур, Э.Батжаргал, мэргэжлийн боксод анхны тулаанаа хийх Б.Очирхуяг, Б.Ням-Очир нар өрсөлдөх юм.
Чансаа тогтоох тэмцээнийг цаашид тогтмол зохион байгуулахаар төлөвлөж байгаагаа зохион байгуулагчид онцоллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
