Өнгөрсөн есдүгээр сар ОЖД-аас дулаан, хур тунадас ихтэй сар болж өнгөрчээ
2025 оны 9 дүгээр сарын агаарын дундаж температур өмнөх жилээс 0.6°С-аар, ОЖД-аас 0.9°С-аар тус тус дулаан байсан ба 1940 оноос хойш тохиолдож байгаа 10 дахь дулаан сар болж өнгөрлөө.
Сарын агаарын дундаж температурын ОЖД-аас хазайх хазайлтын орон зайн тархалтыг авч үзэхэд нутгийн дийлэнх буюу 61.2% нь дунджийн орчим, 38.8% нь дунджаас +1.0-ээс +3.0°С-аар дулаан байжээ.
Хур тунадасны хувьд тус сард Монгол орны хэмжээнд дунджаар 25.9 мм тунадас орсон нь өмнөх жилээс 19.3%-иар бага, ОЖД-аас 43%-иар ахиу буюу 1940 оноос хойш тохиолдож байгаа 17 дахь хур тунадас ихтэй сар болж өнгөрлөө.
Сарын нийлбэр хур тунадасны ОЖД-аас хазайх хазайлтын орон зайн тархалтыг авч үзвэл нийт нутгийн 62% дунджаас ахиу, 8.5% нь дунджийн орчим, 29.5% нь дунджаас бага тунадас унасан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
