Бага насны хүүхдийг урд суудалд суулгах нь хамгийн аюултайг АНХААРУУЛАВ
Бага насны хүүхдийг автомашин болон бусад тээврийн хэрэгсэлд тээвэрлэхдээ зориулалтын суудалд суулгах, хамгаалалтын бүсийг заавал зүүлгэх аюулгүй байдлыг ханган хариуцлагатай хандахыг Гэмтэл Согог Судлалын Үндэсний Төв (ГССҮТ)-өөс зөвлөж байна.
Энэ оны нэгдүгээр улиралд зам тээврийн ослын улмаас 83 хүүхэд эрүүл мэндээрээ хохирчээ.
Үүнийг 2024 оны мөн үетэй харьцуулахад хохирсон хүүхдийн тоо 4.1 хувиар өссөн байна.
Зам тээврийн осолд өртсөн хүүхдүүдийн
- 52.4 хувь нь 14-17 насны
- 26.2 хувь нь 10-13 насны
- 15.8 хувь нь 6-9 насны
- 3.6 хувь нь 3-5 насны
- 1.8 хувь нь гурав хүртэлх насныхан байна.
Бага насны хүүхдийг урд суудалд суулгах нь хамгийн аюултайг анхааруулав.
Хүүхэд зорчигчийг эрсдэлээс хамгаалахад юу шаардлагатай вэ?
- Тохирсон суудал, бүсийг зөв хэрэглэх
- Машины арын суудалд суулгах
- Машинаас биеийн ямар нэгэн хэсгийг цухуйлгахгүй байх
- Жолоочийн анхаарлыг сарниулахгүй байх
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
