Төв цэнгэлдэх хүрээлэнд нээгдсэн хүнсний ногооны худалдаа өдөр бүр 10:00-19:00 цагийн хооронд үргэлжилнэ
"Намрын ногоон өдрүүд-Үндэсний үйлдвэрлэл 2025" өргөтгөсөн худалдаа Төв цэнгэлдэх хүрээлэнд өчигдөр нээгджээ.
Уг худалдаа есдүгээр сарын 28-ны өдрийг дуустал буюу энэ долоо хоногт өдөр бүр 10:00-19:00 цагийн хооронд үргэлжилнэ.
Төв цэнгэлдэх хүрээлэнгийн дотор болон гадна талбайгаас эх орны эрүүл хөрсөнд ургасан хүнсний ногоо, жимс жимсгэнэ, мах, сүүн бүтээгдэхүүн, үндэсний үйлдвэрлэгчдийн урласан ноос, ноолуур, арьс ширэн бүтээгдэхүүнийг худалдаж авах боломжтой гэж НЗДТГ-ын хэвлэлийн хэлтсээс мэдээллээ.
Өргөтгөсөн худалдаанд Дархан-Уул, Хөвсгөл, Сэлэнгэ, Өвөрхангай, Хэнтий зэрэг 18 аймгийн үндэсний үйлдвэрлэгч, тариалангийн үйл ажиллагаа эрхэлдэг 200 гаруй ААН бүтээгдэхүүнээ дэлгэжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
