"Шөнө ажлаа тараад явж байсан эмэгтэйг дээрэмдсэн хэргийг шалгаж байна"
Шөнийн цагаар ганцаараа явж байсан эмэгтэйн толгойд уут углаж, дээрэмдсэн гэх дуудлага мэдээлэл бүртгэгдсэнийг цагдаагийн байгууллагаас мэдээлэв.
Тодруулбал иргэн “Д”-ээс энэ оны есдүгээр сарын 11-нээс 12-нд шилжих шөнө 01:00 цагийн орчим ажлаа тараад явж байх үед нь араас нь үл таних эрэгтэй толгойд нь уут углаж биед нь халдаж, бэлэн мөнгө дээрэмдсэн гэх гомдол мэдээлэл бүртгэгдэн шалгагдаж байна.
Энэ оны эхний найман сарын байдлаар улсын хэмжээнд 481 дээрэмдэх гэмт хэрэг бүртгэгдээд байна.
Дээрэмдэх гэмт хэрэг үйлдэж байгаа этгээдүүд шөнийн цагаар гудамж талбайд ганцаараа явж байгаа иргэд мөн архи архи согтууруулах ундааны зүйл хэтрүүлэн хэрэглэсэн биеэ хамгаалах чадваргүй болсон иргэдийн биед халдаж байх тул иргэд та бүхэн сонор сэрэмжтэй байхыг анхааруулж байна.
Эх сурвалж: Цагдаагийн Ерөнхий Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
