Орон сууцны B1 давхарт оршин суух айл өрхөөс хулгай хийдэг байсан этгээдийг олж тогтоожээ
Улаанбаатар хотод орон сууцны B1 давхарт оршин суух айл өрхөөс "хулгайд эд зүйлээ алдсан" гэх хэд хэдэн дуудлага мэдээлэл энэ оны наймдугаар сард цагдаагийн байгууллагад бүртгэгджээ.
Энэ талаар ЦЕГ-ын Урьдчилан сэргийлэх албаны ахлах мэргэжилтэн, цагдаагийн хошууч Э.Энхзаяа "Цагдаагийн байгууллагаас энэ төрлийн гэмт хэрэг үйлдэж байгаа этгээдийг олж тогтоох, иргэдэд учирсан хохирлыг шуурхай барагдуулах зорилгоор мөрдөн шалгах ажиллагааг явуулсан.
Цаашид тухайн этгээдийн мэдүүлгийг газар дээр нь шалгах, алдагдсан эд зүйлсийг олж тогтоон хохирогчид хүлээлгэн өгөх чиглэлээр мөрдөн шалгах ажиллагааг үргэлжлүүлж байна" гэлээ.
Шалгалтын явцад дээрх гэмт хэрэг нь орон сууцны B1 давхруудад хяналтын камергүй, стандартад нийцсэн камер суурилуулаагүй зэрэг шалтгааны улмаас үйлдэгдсэн гэх нөхцөл байдал тогтоогджээ.
Иймд орон сууц, хотхоны СӨХ-ноос Монгол Улсын гэмт хэрэг зөрчлөөс урьдчилан сэргийлэх тухай хуульд заасан үүргийн дагуу оршин суугч иргэдийг аливаа төрлийн гэмт хэрэг зөрчлөөс урьдчилан сэргийлэх чиглэлээр ажил арга хэмжээг тогтмол зохион байгуулж ажиллахыг зөвлөлөө.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
