"Худалдаалагдаж буй сурах бичгийн багц 94-129 мянган төгрөгийн үнэтэй. Төлбөрийг хувааж төлж болно"
2025-2026 оны хичээлийн жилд дунд болон ахлах ангийнхны хэрэглэх сурах бичгийн багц 94-129 мянган төгрөгийн үнэтэй байна.
Гэхдээ гар дээрх худалдаагаар үнэ хөөрөгдөхөөс сэргийлж, захиалгыг цахимаар авч, анги удирдсан багшаар нь дамжуулан сурагчид хүргэхээр болжээ.
Энэ талаар Боловсролын Ерөнхий Газрын дарга Т.Ням-Очир "Төлбөрийг дөрөв хувааж төлөх, дараа нь төлөх зэрэг боломжтой. Хувааж төлөх зардал нь худалдаалах сурах бичгийн хувьд 38-48 мянга байгаа.
Мөн сургуулиуд нэгдсэн захиалга хийж болох бөгөөд энэ тохиолдолд орон нутагт нь аравдугаар сарын эхний долоо хоногт хүргэнэ" гэв.
Үргэлжлүүлэн тэрбээр "Сурах бичгийн гол асуудал нь Улаанбаатарт үүсэж байгаа. Жишээлбэл 154 дүгээр сургуулийн нэгдүгээр ангид 271 хүүхэд элсэх тооцоололтой байсан ч 380 хүүхэд элссэн. Эдгээр хүүхдийн сурах бичгийг шийдэх ёстой болсон. 34 дүгээр сургуульд тооцоолж байснаас сурагчийн тоо 1,500-аар нэмэгдсэн зэрэг нь зохион байгуулалт, тохируулгыг богино хугацаанд хийх шаардлага үүсгэсэн, бид ажиллаж байгаа" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
