Чөлөөтийн эрэгтэй баг ДАШТ-д оролцохоор өнөөдөр Хорватыг зорив
Дэлхийн Бөхийн Нэгдсэн Холбоо (ДБНХ)-ноос зохион байгуулдаг насанд хүрэгчдийн Дэлхийн Аварга Шалгаруулах Тэмцээн (ДАШТ) энэ сарын 13-наас 21-нийг дуустал Хорватын Загреб хотод болно.
Энэ тэмцээнд манай улсын эрэгтэй, эмэгтэй чөлөөт бөхийн баг бүтэн багаараа оролцох юм.
Тэгвэл эрэгтэй шигшээ багийн тамирчид өнөөдөр Загребын зүг хөдөллөө.
Тус тэмцээнд өрсөлдөх шигшээ баг тамирчдыг сонгон шалгаруулах сорил барилдаан өнгөрсөн долдугаар сард Спортын Төв Ордон (СТО)-д болсон юм.
Энэ тэмцээнээс эрхээ авсан эрэгтэй шигшээ багийн тамирчдыг танилцуулбал
- 57 кг: Б.Мөнх-Эрдэнэ (Төгс дэвжээ)
- 61 кг: Т.Түвшинтулга (БГД АК)
- 65 кг: Б.Гантулга (Тэх мөнх клуб)
- 70 кг: Т.Тулга (Хүч спорт хороо)
- 74 кг: Э.Төгсжаргал (Дархан хасу)
- 79 кг: О.Сүлдхүү (Алдар спорт хороо)
- 86 кг: Н.Батбилгүүн (Алдар спорт хороо)
- 92 кг: Т.Дэмчигдорж (Алдар спорт хороо)
- 97 кг: Г.Ганхуяг (Алдар спорт хороо)
- 125 кг: М.Лхагвагэрэл (Хилчин спорт хороо) нар билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
