П.Наранбаяр: Судалгааны их сургуулийг хөгжүүлэх, ангиллыг шинэчлэн тогтоох ажлыг хэрэгжүүлнэ
Боловсролын сайд П.Наранбаяр 2025-2026 оны хичээлийн жилд мэргэжлийн болон их дээд сургуулиудад хэрэгжүүлэх зарим ажлын талаар дараах мэдээллийг өглөө.
Мэргэжлийн боловсролын сургууль, политехникийн коллеж сургалтын үйл ажиллагааг хөдөлмөрийн зах зээлийн эрэлт, ажил олгогчийн хэрэгцээ шаардлагад нийцсэн мэргэжилтэй ажилтныг бэлтгэхэд чиглүүлэн ажиллаж байгаа аж.
Түүнчлэн бүс орон нутгийн хөгжлийн тэргүүлэх чиглэлтэй уялдуулан таван жилийн сургалттай Коосэн сургалтын хөтөлбөрийг боловсруулан политехникийн коллежийг түшиглэн туршилтын ажлыг эхлүүлэх юм байна.
Их дээд сургуулийн ангиллыг шинэчлэн тогтоох судалгааны их сургуулийг хөгжүүлэх ажлыг хэрэгжүүлэхээр төлөвлөжээ.
Мөн их сургуулиудыг сургалтын чиглэлээс судалгааны их сургуулиуд болгон хөгжүүлэхэд Хөшигийн хөндий, Ховд, Дорнод, Өмнөговь, Дархан-Уул, Орхон аймагт сургалт, эрдэм шинжилгээ, үйлдвэрлэлийн цогцолборын зураг төслийг боловсруулж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
