АН-ын шинэ дарга наймдугаар сарын 31-нд тодорно
Ардчилсан Намын /АН/ Үндэсний бодлогын хорооны ээлжит бус хурал үргэлжилж байна.
Тус хурлаар намын Үндсэн дүрмийг хэлэлцэн батална. Харин намын даргын сунгаа наймдугаар сарын 31-ний 18:00 цаг хүртэл үргэлжилнэ. Өөрөөр хэлбэл, наймдугаар сарын 31-ний 18:00 цаг хүртэл АН-ын даргад нэр дэвшигчдийг бүртгэх бөгөөд тэр өдрөө даргын сонгуулиа явуулахаар болжээ.
ҮБХ-ноос намын даргад тавигдах шаардлагыг хангасан нэр дэвшигчдийн бүртгэх 15 хүний бүрэлдэхүүнтэй сонгон шалгаруулах хороог байгуулах бөгөөд тус хороонд орох гишүүд нээлттэй нэр дэвших боломжтой юм байна.
Одоогоор УИХ-ын гишүүн Б.Пүрэвдорж, Ж.Баярмаа нар намын даргад нэрээ дэвшүүлж буйгаа мэдэгдээд байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
