Өнөөдөр Туул гол Лүн сум, Улз гол Эрээнцав боомт орчимд усны түвшин өмнөх өдрийнхөөс 20-25 см нэмэгдсэн байна
Наймдугаар сарын 28-ны өдрийн байдлаар Туул гол Лүн сум, Улз гол Эрээнцав боомт орчимд усны түвшин өмнөх өдрийнхөөс 20-25 см нэмэгдсэн байгаа талаар цаг уурын байгууллагаас мэдээллээ.
Мөн Улз гол Дашбалбар, Чулуунхороот сум орчимд үерийн түвшнийг 10-20 см даван үерлэж байгаа юм байна. Өнөөдөр баруун болон зүүн аймгуудын нутгийн зарим газар, төвийн аймгуудын нутгийн баруун, говийн аймгуудын нутгийн зүүн хэсгээр бороо орох төлөвтэй байгаа юм.
Иймд дээрх бүс нутгаар дайран өнгөрөх гол мөрний усны түвшин тухайн үед орсон хур борооны эрчимшил хэмжээнээс шалтгаалан огцом нэмэгдэх, хуурай сайр гуу жалгаар уруйн үер бууж болзошгүй тул ард иргэд, айл өрх, аж ахуйн нэгж байгууллага үер усны аюулаас болгоомжтой байхыг онцгойлон анхаарууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
