Алтан Жолоо Групп Монгол Улсын харцага О.Наранбаатарт хүндэтгэл үзүүлэв
Тулгар төрийн 2234 жил, Их Монгол Улсын 819 жил, Үндэсний ардчилсан хувьсгалын 114 жил, Ардын хувьсгалын 104 жил, Ардчилсан хувьсгалын 35 жилийн ой тохиосон Үндэсний их баяр наадмаар Алтан Жолоо группийн бөх О.Наранбаатар Монгол улсын харцага цол хүртэж, хамт олон, нутаг усныхан, Монгол түмнээ баярлуулсан билээ.
Өнөөдөр түүний төрсөн нутаг Өвөрхангай аймгийн Хар Хорин суманд цолын мялаалга наадам болж, Алтан Жолоо группийн ерөнхийлөгч В.Энхбаатар Монгол Улсын харцага Оюунгэрэлийн Наранбаатарт хүндэтгэл үзүүлж, 300 сая төгрөгийн шагнал гардуулж, Монгол бөхийн хийморь үргэлж өөдөө байж, улам том цолд хүрч, ард түмнээ баярлуулж явахыг хүсэн ерөөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
