Эрдэнэбатын Одзаяа 20 хүртэлх насны залуучуудын ДАШТ-ээс хүрэл медаль хүртлээ
Болгарын Самоков хотод Дэлхийн Бөхийн Нэгдсэн Холбоо (UWW)-ны зохион байгуулдаг 20 хүртэлх насны залуучуудын Дэлхийн Аварга Шалгаруулах Тэмцээн (ДАШТ)-д эмэгтэйчүүдийн 68 кг-ын жинд өрсөлдсөн Эрдэнэбатын Одзаяа хүрэл медаль зүүв.
Манай тамирчин урьдчилсан шатанд БНСУ-ын Ён Соныг, шөвгийн 16-д БНХАУ-ын Венжи Цюг, шөвгийн наймд Анголын Жосет Саса Мавунгу нарыг тус бүр оноогоор цэвэр ялаад хагас шигшээд Японы Рэй Хошинод дийлдсэн байна. Э.Одзаяа оноогоор илүү буюу 5:4-өөр давамгайлж яваад цэвэр ялагджээ.
Улмаар хүрлийн төлөө Украины Олександра Рыбакыг 9:8-аар ялсан юм.
Энэ жинд Японы Рэй Хошино алт, Энэтхэгийн Шришти Шришти мөнгөн медаль хүртсэн бол Э.Одзаяагийн хамт Бразилын Эдуарда Родригес Батиста хүрэл медаль хүртлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
